Acidente Aviaun Militar Vietnam, Pilotu Nain Rua Mate

0
191

Pilotu Vietnam nain rua mate tamba acidente aviaun wainhira hala’o hela treinamentu iha sexta (14/6).

Pilotu nain rua ne’e mate wainhira aviaun Yakovlev Yak-52 ne’ebe halo Rusia ne’ebe mak sira ba trinu soke foho ida iha provinsia khanh Hoa.

“Pilotu ida mate fatin no ida seluk mate wainhira iha dalan lori ba hospital,” hatete Nguyen Ngoc Khue, nudar xefi komune, hanesan relata iha AFP. 

Khue mos aumenta katak fatin acidente ne’e taka iha tempu temporariu nia laran hodi bele hala’o investigasaun.

Foto hirak husi media estatal nian hatudu ahi suar husi aviaun Rusia nian ne’ebe monu iha insidente ne’e.

Realidade Vietnam iha istoriku ne’ebe diak kona ba aviasaun sivil. Maibe, acidente ba aviaun ho helikopter Militar sempre akontese. Insidente hanesan akontese dala hira ona iha nasaun komunista ne’e iha tinan hirak ikus.

Pelu menus pilotu rua mate iha treinamentu militar iha provinsia Nghe An iha Jullu 2018. Armada ne’ebe sira uza iha tempu ne’eba mak aviaun Sukhoi Su-22 halo husi Rusia, nain husi aeru vietnam.

Iha 2016, ema nain 14 mos mate iha acidente aviaun militar nian.

Vietnam agora daudauk esforsu hela atualiza sira nia ekipamentu militar ho hola fali material laos deit husi Rusia, maibe mos Franca, Alemanha no Israel.

Prezidente Estdus Unidus Amerika, Donald Trump, mos husu ba Hanoi atu hola ekipamentu husi nia Nasaun.

Analitiku sira halo predisaun katak Vietnam sei aprova oferta husi Estadus Unidus Amerika ne’e. Maibe, iha mos estimasaun ne’ebe vietnam tenki esforsu an makas tamba folin husi ekipamentu defeza ne’ebe mak karun los.

Fontes : CNN Indonesia

Tr. : Hallo.tl

HUSIK RESPOSTA