Acidente iha MotoGP Catalunya , Ducati ho Yamaha hetan estragus husi Lorenzo

0
717

Tim Yamaha ho ducati hamutuk ataka koridador Repsol Honda Jorge Lorenzo relata ho insidente dezastre iha MotoGP Catalunya iha Sirkuitu Barcelona, domingo (16/6).

Jorge Lorenzo sai destake iha parte barak depoizde kauza acidente iha MotoGP Catalunya. Erru ida ne’ebe Lorenzo halo bainhira atu korta iha kurva 10 halo Andrea Dovizioso (Ducati) no koridador rua husi yamaha, Valentino Rossi no mos Maverick Vinales, sai vitima to’o falla kontinua korida.

Insidente ne’e halo parte Yamaha la simu. Liu-liu bainhira Lorenzo la hetan sansaun husi salah ne’e.

Manajer Yamaha massimo Meregalli mensiona Lorenzo hanesan koridador laiha esperiensia (amatir). Ba Meregalli, Lorenzo nia salah ne’e so bele halo deit husi koridador sira foin primeira vez performa iha MotoGP ne’e.

Komentariu hanesan hato’o husi Team Principal MotoGP Catalunya, Lin Jarvis, ne’ebe valoriza Lorenzo halo salah iha MotoGP Catalunya. Jarvis la espera katak koridador ho klase hanesan Lorenzo ne’ebe mak manan ona dala tolu MotoGP bele halo salah ida ne’ebe mak fatal los.

39a36976-c58b-4957-adf5-54b6a1d2cb3a_169

“Ida ne’e erru ba ema ida ne’ebe foin komesa, livre no beik. Halo koridador nain tolu monu, iha inisiu korida labele atu esplika,” hatete Jarvis iha Marca.

Hare’e dezastre iha MotoGP Catalunya 2019, Jarvis mos hanoin fali insidente ne’ebe akontese iha MotoGP Belanda 2012 iha sirkuitu Assen.

Momentu ne’eba Alvaro Bautista kauza Lorenzo ne’ebe sai koridador Yamaha monu iha kurva primeiru iha inisiu korida. Kauza soke husi Bautista iha parte los, Lorenzo falla hodi kontinua korrida.

“Ami hare’e tiha ona erru hanesan ne’ebe mak halo husi koridador senior. Alvaro Bautista halo buat ne’ebe hanesan iha Assen,” tutur Jarvis.

Enkuantu ne’e, Diretur Desportu Ducati paolo Ciabatti konsidera Lorenzo la kuidadu halo erru wainhira korta iha kurva 10 sirkuitu Barcelona.

“Lorenzo iha karakteristiku ne’ebe mak espesial, iha situasaun balun nia laiha klaramente ne’ebe mak ita bo’ot sira espera. Ida ne’e voltajen segundu, momentu ne’eba strategia prepara tiha ona, la certa atu ultrapasa,” Ciabatti esplika.

Fontes : CNN Indonesia

Tr. : Hallo.tl

HUSIK RESPOSTA