Barcelona Ofisialmente Kondena Neymar ho Lei

0
431

Problema transferensia Neymar hosi Barcelona ba PSG tuir loloos seidauk hotu. Agora daudaun Barca ofisialmente aviza sira nia kondenasaun lei ba Neymar ho osan euro rihun 8,5.

Barca hakarak Neymar fo hikas fali bonus ne’ebe mak selu ona ba nia tinan kotuk bainhira asina kontratu foun durante tinan 5, hafoin kontratu Neymar kumpri deit fulan 9 molok Barca husik nia ba PSG.

Transferensia Neymar ho montante euro rihun 222 ka hanesan jogador ne’ebe mak karun liu iha mundu. Transferensia ne’e akontese bainhira jogador idade 25 ne’e termina nia kontratu foun ne’e ho Blaugrana ne’ebe tuir loloos remata iha tinan 2021 mai.

“FC Barcelona haruka ona karta kontra Neymar ba Federasaun Futebol Espanha no kontinua ba autoridade relevante iha Federasaun Futebol Fransa no FIFA.” Hakerek iha pajina ofisial Barca.

Aleinde fo fila bonus rihun 8,3 euro nee, Barca mos husu ho osan adisaun 10% tanba selu demora. Total osan ne’ebe mak Neymar presiza selu fali ba Barca mak euro rihun 9,35.

Barca mos afirma tan katak karikl Neymar labele finaliza dever selu ne’e ho privadu, mak PSG tenke responsabiliza hodi selu hotu. Antes Neymar atu muda ba PSG, manajementu Barcelona aviza ona katak sira hapara atu la selu bonus loyalidade euro rihun 26.

Semana kotuk, Neymar rasik halo kritika ba diretor Barcelona temi katak Grupu boot ne’e sei sai diak liu tan karik maneija hosi ema ne’ebe mak kompetente liu.

HALLO.TL

HUSIK RESPOSTA