Desizaun MEJD Hamosu Diskriminasaun No Injustisa

0
155

DILI-Konfederasaun Sindikatu Travalhador Timor Leste (KSTL), hamutuk ho Ajente Administrasaun Publika MEJD, halao konferensia da impresa, hodi  hatan deklarasaun neebe fo sai husi Ministra Edukasaun Joventude no Desportu (MEJD), Dulce Jesus Soares  iha GMNTV.

Liu husi konferensia da imprensa, Sekretariu KSTL, Jose da Conceicao, hatete, desizaun Ministra nian hamosu diskriminasaun no injustisa, tanba hapara deit ba AAP sira iha edifisiu sentral, maibe la hapara sira hirak neebe halao knar iha INFORDEPE, IG-MEJD, no hirak neebe halao knar iha PCafe, tanba asesor siar no hirak neebe halo servisu iha gabinte hamutuk ema nain 28 neebe tana iha lista atu hapara, maibe Ministra fo fali kontratu ba sira.

“Hatan ba deklarasaun Ministra nian, KSTL ho AAP MEJD hakarak hatoo ba publiku katak, deklarasaun neebe MEJD fo sai ba publiku liu husi media, nee la los, no hatudu momos katak, Ministra Dulce fo informasaun falsas ba publiku, atu taka erro hirak neebe ministra komete hafoin kaer pasta hanesan Ministra MEDJ, liu-liu nia desizaun hapara kontratu ba AAP nain 273.Iha loron  kinta 21 semana kotuk, MEJD Dulce Soares iha nia dada lia ho GMNTV iha programa grande intervista hamutuk ho distinto deputadu Antonio da Conceicao husi komisaun G PN, hatete ba publiku katak, molok atu foti desizaun hodi hapara kontratu ba AAP nain 273, nia rasik halo ona enkontru ho dirijente sira hodi hatoo informasaun konaba desizaun hpara kontratu no esplika mos konaba planu atu halo diagnostiko iha MEJD. Ministra Dulce mos hatete tan katak, pesoal nain 273 neebe sira nian kontratu hapara laos ajentes administrasaun publika maibe funsionariu kazuais,”dehan Jose ba jornalista iha edifisiu MEJD Vila-Verde Dili Tersa (26/02/2019).

Nia akresenta, desizaun hapara kontratu ba AAP nain 273, nee desizaun Ministra Dulce nian mesak, sem koalia ka diskute iha reuniaun sira ho direjente  iha MEJD, no Ministra rasik nunka hatoo ba direjente sir aka hatoo ba AAP sira  konaba desizaun atu halo diagnostiku iha MEJD.

Iha fatin hanesan Zemito Alves, hanesan kontratu AAP, hatete, ministra bosok publiku, tanba durante nee, sira mos hetan avaliasaun dezempenu, tanba avaliasaun neebe sira hetan, sempre muitu bom, maibe MEJD Dulce hatete, laiha avaliasaun, nee hanesan bosok publiku.

Fontes: STL Online

LEAVE A REPLY