Eis Ministra Estranjeira Australia Julie Bishop Rezigna an husi Parlamentu

0
358

CANBERRA – Eis Ministra Estranjeira Australia, Julie Bishop, fo sai katak Nia sei reforma husi Politika. Nia fo sai ida ne’e iha nia deklarasaun ne’ebe admiradu depois de sesaun husu no hatan.

Bishop La kaer ona kargu ruma iha governu no mos iha parte opozisaun desde tranzisaun lideransa tinan kotuk. Nia tu’ur iha parlamentu desde 1998 no sai hanesan Ministra Estranjeira Feto primeiru ba Australia.

Figura Liberal ida hateten Bishop sei tuir eleisaun 2019 tuir mai, maibe nia hateten sei tetu fila fali nia futuru iha parlamentu no hakarak hala’o moris ses husi politiku.

“Honra bo’ot ida mai ha’u sai hanesan Membru ne’ebe kleur liu reprezenta Curtin no mos sai hanesan vise lideransa partidu Liberal, feto primeiru ne’ebe mak kaer kargu ne’eba, (no) durante tinan11, liu fali metade husi ha’u nia kareira politika,” nia hateten ba Parlamentu.

“Ha’u mos orgullu ho faktu katak ha’u mak feto primeiru ne’ebe kompete iha eleisaun ba lideransa Partidu Liberal duranta tinan 75 iha nia istoria,” nia hateten hanesan sitadu ona iha ABC.net.au, Sesta (22/2/2019).

Bishop nia sai husi politiku hanesan perda signifikativu ida ba koligasaun partidu iha Governu Australia antes ba eleisaun tinan ida ne’e hare’e fali nia popularidade no abilidade forte ba kaptasaun rekursus ba partidu.

Bishop hala’o ona nia kna’ar hanesan Ministra iha Governasaun John Howard antes sai Vise  Lideransa depois de eleisaun 2007. Nia nafatin kaer nia Kargu ne’e iha Brendan Nelson, Malcolm Turnbull no Tonny Abbott nia okos.

Depois de partidu ne’eba manan tiha iha eleisaun 2013, nia sai hanesan ministra estranjeira to Turnbull lakon nia kontrolu ba Lideransa Liberal tinan kotuk. Bishop tuir mai kompete ho Scott Morrison no peter Dutton atu troka Turnbull maibe lakon iha ronde primeiru ba eleisaun.

Morrison, ne’ebe mak sai hanesan Lider ba partidu Liberal no sai Primeiru Ministru, fo homenagen ba Bishop no nia dedikasaun ne’ebe mak bo’ot ba Australia.

“Nia paixaun maka nia sempre lori nia kna’ar, dignidade no respeita ne’ebe mak nia sempre hatudu iha nia kna’ar mesak ne’ebe mak nia iha,” hateten husi Morrison ba Parlamentu.

“Nia individu ida ne’ebe elegante. Ida ne’ebe troka nia sei iha servisu ne’ebe toda, no ita hatene katak Julie hala’o ona nia servisu ho diak iha parlamentu,”. Nia hateten.

Fontes: Hallo.tl

 

LEAVE A REPLY