Ekuador Legalkan Pernikahan Sesama Jenis Ekuador Legaliza kazamentu ho jeneru hanesan

0
95

Tribunal Konstituisional Ekuador desidi aseita kazamentu ho jeneru hanesan. Ekuador hamutuk ho nasaun hirak iha Amerika parte sul sira seluk legaliza kazamentu ho jeneru hanesan, hanesan Argentina, Brazil no Colombia. Foti husi AFP, Kinta (13/6), aprovasaun husi tribunal konstituisional halo depoizde votasaun ne’ebe halo husi Juizes nain 9. Nia rezultadu, Juizes nain lima (5) aseita kazamentu ho jeneru hanesan, maibe juzes nain ha’at (4) la konkorda ho desizaun ne’ebe iha. “Desizaun ida ne’e rekonese katak direitus humanus validu ba ema hotu sem iha diskriminasaun parseiru ne’ebe mak hakarak kaben iha Ekuador,” hakerek husi desizaun ne’ebe iha.

Juizes nain ha’at (4) ne’ebe hanoin la hanesan kontra kazamentu ho jeneru hanesan hatete katak reformasaun kontituisaun sei sai debate iha Tribunal Nasional.

Maibe, Gustavo medina, Eis vise prezidenti Supremu Tribunal, certeza katak autoridade sira tenki kumpri desizaun Tribunal Konstituisional. “Desizaun ne’e kesi metin no obrigatoriu,” Nia hatete. Iha nia faktu, Ekuador rekonese kazamentu ho jeneru hanesan desde 2015 liu ba. Maibe, mane nain rua ne’ebe atu hala’o sira nia kazamentu hasoru prosesu ne’ebe tuir mai lori sira nia kazu ba Tribunal Konstituisional. Entre parseiru mane ne’e, maka Efrain Soria. Nia hatete kontente tebes ho desizaun ne’e. Nia fo korajen ba Gay sira atu labele subar tan no aproveita kontente ne’ebe mai husi igualdade.

Agora daudauk, Lei iha Ekuador, ratifika iha 2008 liu ba, defini katak kazamentu hanesan uniaun entre feto no mane. Sumarinha legalidade ne’eba mos bandu parseiru ho jeneru hanesan atu adopta labarik.

Tribunal konstituisional konsidera kazamentu ho jeneru hanesan bazeia ba direitus ne’ebe hanesan ba ema hotu. Tribunal Konstituisional mos hatete katak sira esforsu atu hasoru diskriminasaun saida deit.

Fontes : CNN Indonesia

Tr. : Hallo.tl

HUSIK RESPOSTA