Ema duzia ‘Mate hetan oho husi Boko Haram’ iha funeral Nigeria Norte

Maizoumenuz ema 65 lakon nia moris hafoin suspeitu militante Boko Haram tiru iha funeral iha Nigeria norte - parte Borno.

0
47

Ema hirak ne’ebe ho armas to’o ho motor no van besik iha kapital parte, Maiduguri, iha sabdu, hatete husi testamunha.

Ema balun informa mate iha fatin, aleinde ne’e sira seluk mate bainhira koko duni agresor sira ne’e.

Akontese ona atakasaun Islamista ne’ebe aumenta iha rejiaun tomak.

Ofisiais governu lokal Muhammed Bulama hatete nia hanoin atakasaun ikus ne’e hanesan vingansa ida husi militante nain 11 Boko Haram ne’ebe mate tamba hetan oho husi komunidade desa semana rua liu ba.

Jornalista ajensia France Presse iha fatin akontesimentu hatete sira hare’e uma hirak ne’ebe hetan sunu, no familia sira koleta mate isin ne’ebe hetan oho.

Prezidenti Nigeria Muhammadu Buhari kondena atakasaun ne’e, no fo orden ba forsa armada aero atu buka sira ne’ebe mak halo ida ne’e, informa husi Reuters.

Komunidade sivil mate ona no ema liu miliaun rua desloka durante konflitu iha dekada ikus.

Boko Haram ne’ebe traduz, signifika “proibida edukasaun osidental” no halo promosaun ba verzaun Islam ne’ebe bandu Musulmanu atu hola parte iha atividade politika ka sosialiazasun saida deit ne’ebe mak liga ho osidental. Grupu ida ne’e kria hodi lulun tiha governu no hari’i fali Nasaun Islamika.

Ida ne’e ativa ona laos deit iha Nigeria, maibe mos iha nasaun vizinu Chad, Niger no Cameroon.

Boko Haram konesidu tamba naok labarik sira ne’ebe eskola no atrai media global iha tinan 2014 hafoin naok labarik feto kuaze 300 husi eskola ida iha sidade Chibok, iha Borno, nasaun ne’ebe grupu militante sira ativu liu. Iha 2015, nia klasifika iha pozisaun grupu terorista ne’ebe letal liu husi Instituisaun ba Ekonomia no Dame.

Teritoriu ne’ebe kontrola husi grupu refere diminui ona iha tinan hira ikus no fahe ona sai fasaun hirak ne’ebe kompete.

Maibe, militante Islamika nafatin ativu iha rejiaun ne’e, dezafia  esforsu husi armada  hodi halo remata tiha insurjensia ne’e.

Fontes : BBC News 

Tr. : Hallo.tl

HUSIK RESPOSTA