Espoza PR: Presiza Buka Hatene Kauza Soe Bebé

0
244

DILI, (TATOLI) – Hanesan inan ida, espoza Prezidente Repúblika (PR), Cidália Nobre Guterres, triste bainhira rona inan-feton balun soe bebé hanesan kuarta dadér ohin akontese iha área Markoni Dili, no husu atu buka hatene nia kauza.

Nia haktuir dala-barak problema hanesan ne’e mosu nia kauza barak teb-tebes, balun tanba ransu livre, fatór ekonomia nomós violasaun mosu hosi família uma laran.

“Ita hotu, tantu família no Estadu presiza haree hamutuk, tanbasá soe bebé ne’e akontese. Hanesan inan-aman iha uma laran, fó nafatin lia-fuan kmanek ba oan sira no hosi Estadu haree oinsá foti medida maibé, mós buka hatene problema saida maka inan-feton sira hasoru, nune’e ita labele kondena de’it sira maibé buka hatete problema nia hún”, Cidália ba jornalista sira iha Palásiu Prezidente Nicolau Lobato, Bairru Pité, kuarta ne’e, relasiona ho inan-feton balun ohin dadér soe bebé iha Markoni.

Nia apela ba inan-feton sira tau án ho dignu no labele hasara ema seluk nia moris di’ak maibé moris de’it ho buat natón ne’ebé iha.

“Iha fatin barak ha’u sempre dehan katak inan no aman nia jestu ne’e importante teb-tebes, katak, inan-aman sai hanesan modelu ba oan sira atu moris banati”, espoza PR ne’e subliña.

Fontes : tatoli iha timor agora

HUSIK RESPOSTA