Estadiu Dili Iha Faze Verifikasaun Final Husi ADN-SEJD

0
273
Estadiu Dili.
                                                                   
Diretora Nasionál Administrasaun no Finansa Sekretaria Estadu Juventus no Desportu (SEJD), Maria Luisa Monteiro hateten prosesu konstrusaun Estadiu Munisipal Dili daudaun ne’e iha ona faze final verifikasaun ne’ebe hala’o husi ajensia Dezenvolvimentu Nasional (ADN) no SEJD nu’udar na’in ba projetu.
Estadiu Dili agora iha ona faze verifikasaun final iha ADN, Obra Publika no SEJD rasik. Durante ne’e, ekipa sira servisu maka’as loos. Maibe, atu halai ba konkursu ne’e depende ba Konsellu Administrasaun Fundu Infraestrutura maka sei haree. Prosesu normal hanoin labele. Ita haree prosesu normal han tempu to’o fulan neen kada projetu, entaun orsida Konsellu Administrasaun Fundu Infraestrutura (KAFI) maka sei deside atu aselera lalais, Diretora tenik ba agênsia Tatoli iha edifisiu SEDJ, Lecidere, Dili, kinta ne’e.
Nia dehan SEDJ daudaun ne’e esforsu maka’as hela atu finalize lalais obra refere nune’e bele realiza jogu Komunidade nasaun Ko’alia Lian Portugeza (CPLP-sigla Portugés) iha jullu mai ne’e. Fo hanoin fali katak projetu reabilitasaun ba Estadiu Munisipal Dili antes ne’e kaer husi kompañia Marino Interprise ho montante orsamentu hamutuk millaun $1.5 no Governu konsege selu ona pursentu 70. Tanba la konsege finalize obra refere, foin lalais ne’e KAFI hamutuk ho ADN foti ona desizaun hodi hapara kompañia refere no atu loke fali konkursu foun ba kompañia seluk atu kontinua hikas obra ne’e.
Kona-ba atu loke fali konkursu foun ne’e sei entrega ba KAFI mak sei haree. Entaun, semana agora ne’e ami sei hala’o reuniaun ho Grande Projetu para haree oinsa bele loke konkursu urjente atu kompañia foun bele hala’o lalais servisu nune’e bele finalize obra ne’e, nia hktuir.
Fontes: Tatoli.tl
 

HUSIK RESPOSTA