Estudu: Estudante timoroan sira konsidera portugés “importante tebes” iha identidade

0
339

Maioria ida hosi estudante sira hosi ensinu superior timoroan nian konsidera lian portugeza hanesan relativamente ka importante tebes hodi sai hanesan “timoroan nian duni”, haktuir hosi estudu hosi akadémiku australianu ida nian.

Informasaun sira, ne’ebé rekolla hosi inestigador Michael Leach iha alunu sira atus resin hosi ensinu superior iha Díli, konfirma aumentu ida hosi rekoñesimentu, entre joven sira, hosi lian portugeza nia papel iha formasaun hosi identidade nasional.

Halo durante tinan 15 ikus ne’e – ho estudu ba alunu sira hosi ensinu superior iha Díli durante tinan lima dezde tinan 2002 -, estudu hakarak avalia evolusaun hosi persepsaun hosi área ida hosi juventude timoroan kona-ba elementu sentral balun hosi identidade nasional.

Kestaun sira hanesan lian, relasaun ho katolisizmu, ho rejiaun ka ho nasaun sira ne’ebé konsidera hanesan besik liu, nune’e mós elementu sira hosi pasadu ho prezente, halo parte hosi estudu ne’ebé divulga iha enkontru Timor Leste Update, hosi Australian National University (ANU).

Entre kestaun sira ne’ebé kolokadu, Leach hakarak hatene to’o iha ne’ebé maka kapasidade iha lian ofisial rua – tétun ho portugés – hanesan importante ba nosaun hosi identidade timoroan nian, verifika oinsá persepsaun ne’e evolui durante tempu ne’e nia laran.

Iha kazu hosi tétun, rekoñesimentu ne’e mantén aas nafatin no kuaze hosi alunu sira konsidera katak hanesan importante ka importante tebes hodi bele sai hanesan timoroan.

Kona-ba portugés, estudu hatudu mudansa maka’as tebes, ekoa iha parte investimentu ne’ebé aumenta iha nasaun iha ensinu lian portugeza nian, lian ne’ebé ohin loron ko’alia liu duké nunka akontese antes iha Timor-Leste.

Hanesan ezemplu, iha 2002 iha de’it 50% hosi joven sira maka konsidera lian portugeza hanesan relativu ka importante tebes hodi sai loloos “hanesan timoroan nian”.

Ohin loron, entre estudante sira hosi ensinu superior – maski hosi jerasaun foun ida -, liu hosi 54% hatete katak hanesan “importante tebes” no 39,5% hatete katak hanesan relativamente importante ba formasaun hosi identidade nasional.

Tanba ne’e, liuhosi 90% konsidera katak portugés iha importánsia hodi sai hanesan timoroan maski 25% de’it maka identifika hanesan besik ho Portugal, valor ida ne’ebé dook liu duké “proximidade” ne’ebé haree ho Indonézia (87.5%) ho Austrália (78%).

Maski iha balansu imprevistu, importante ba progresaun ne’e maka investimentu ne’ebé Timor-Leste halo nafatin iha promosaun ba lian portugeza maibé mós apoiu hosi parseiru internasional sira iha área ne’e, liuliu Portugal.

Hanesan ezemplu, iha tinan 2002, menus hosi 3% hosi alunu sira hatete iha koñesimentu di’ak ida iha portugés no 24% hatete katak iha koñesimentu moderadu, maski iha tinan liubá númeru hosi alunu sira ho koñesimentu fluente aumenta ba 15% no ho koñesimentu moderadu aumenta ba 61%.

Kuaze 1/3 hosi timoroan sira hatete katak maski portugés hanesan lian ida ne’ebé uza iha uma, iha tinan 2002 nia valor maka hanesan 11,5% de’it. No maski hosi susar sira ho portugés, maioria hosi ema timoroan sira konsidera nia aprendizajen hanesan fásil duké lian inglés.

Kona-ba tétun, ohin loron iha ema ituan maka konsidera hanesan fluente iha lian nasional boot (83,5% kontra 91,5% iha tinan 2002).

Leach esplika katak objetivu maka hodi hatene atitude sira hosi estudante sira kona-ba tema sira hanesan nasaun ho liberdade nasional, permiti avalia nune’e mudansa sira ne’ebé hetan no hadi’a komprensaun kona-ba prosesu hosi konstrusaun nasional ne’ebé akontese daudaun.

Entre pergunta sira, espesialista iha Timor-Leste – ne’ebé kordena Timor-Leste Studies Association (TLSA) – hakarak hatene to’o iha ne’ebé maka naturalidade, sidadania, tempu moris iha nasaun, relijiaun, lian, tradisaun ho instituisaun sira hanesan importante iha konseitu “hanesan timoroan”.

Orgullu iha forma oinsá demokrasia funsiona iha nasaun, kultura ho istória no tratamentu hosi área oioin hosi sosiedade, halo mós parte hosi kestaun sira ne’ebé kolokadu.

Fontes : SAPO NOTISIA

HUSIK RESPOSTA