ETO+ Kopera Indosiar Promove MarVi ho Single Album

0
728

DILI – Eto+ ba dadaun ne’e iha hela hanoin atu kontinua halo koperasaun segundu etapa ho Indosiar, hodi promove ka orbit estrela foun Maria Vitoria (MarVi) ba iha merkadu ho album rasik (Single Album)

“Kooperasaun Eto+ ho Indosiar ba segundu etapa maka oinsa ami hanoin atu orbitkan MarVi ba iha merkadu, tanba iha neeba iha ema sira ne’ebe maka premeiru lugar too terseiru lugar, mas konserteza bainhira ita lao tuir prosesu ne’e araska oituan,” dehan Jerente Eto+ Edmundu F. Lopes ba Timor Post iha Hotel Timor Dili, Kuarta (11/1). Nia hatutan Koperasaun Eto+ no Indosiar ne’ebe maka iha ona tenke aproveita, no Indosiar sei halo kooperasaun ho Eto+ no involve kompozitor muzika no ema sira ne’ebe espesialis ne’ebe maka durante ne’e kaer manajementu ema nian para halo planu ida oinsa orbit MarVi nian muzika rasik iha Merkadu.

Nune’e, Eto+ mos hanoin hela atu halo single solo ida ba MarVi, aleinde tuir Edmundu katak nia rasik maka sei ba hasoru Indosiar hodi koalia modelu negosiu ne’ebe maka sira atu uza , no konkordansia Indosiar no Eto+ ne’ebe maka sei sai MarVi nia parte.

Maske nune’e maibe, nia dehan Eto+ lakohi atu sai manejer MarVi nian mas Eto+ hakarak para fitun ne’ebe maka iha ona ne’e labele para tanba ne’e presiza halo kooperasaun ho Indosiar.

Nia dehan bainhira laiha koordenasaun ho Indosiar maka sei araska ba MarVi atu avansa, tanba INDOSIAR HOLDING COMPANY ida ho SCTV entaun Indosiar iha programa The Box, entaun Eto+ hakarak aproveita ida ne’e para sira bele ajuda Eto+ para bele halo Marketing liu hosi Televizaun rua ne’e. Informasaun kompletu hare iha Jornal Timor Post edisaun Kinta 12/1/2017.

 

HUSIK RESPOSTA