Foin Mak Primeiru Iha Mundu, Aviaun Eletrika Komersial Teste Semo

0
272
DHC-2 de Havilland Beaver
                                 
   Ema operador hidroaviaun Kanadense konsege ho susessu halo’o ona aviaun semo durante minutu tolu ba aviaun eletrika komersial primeiru iha mundu. Harbour Air ne’ebe baseadu iha Vancouver ne’e reivindikar hanesan kompañia aerea anfibia iha Amerika Norte, hamutuk ho kompañia propulsaun eletrika ne’ebe baseadu iha Seattle, magnix, teste aviaun tinan 63, DHC-2 de Havilland Beaver ne’e kompleta ho motor eletriku ne’ebe forsa ho potensia kuda 750 iha mota Fraser besik Richmond, British Columbia, Kanada.
   Aviaun kor kinur ida ne’e teste husi CEO no fundador Harbour Air, Greg McDougall. Ohin loron ne’e, ami halo’o istoria, dehan McDougall iha deklarasaun ida. Iha fulan Dezembru 1903, Wright Brothers lansa era foun transportasaun aviaun semo. Ohin loron ne’e, tinan 116 depois, ho primeiru semo husi aviaun komersial ho potensia eletriku, ami lansa ona era aviaun semo eletriku, haktuir Roei Ganxzarski, CEO magniX. Aviasaun global maka prinsipal fonte mudansa klimatika ne’ebe kausa emissaun gases uma vidru. Ganzarski hateten katak alem zero emissaun, aeronaves eletrika ho kustu ki’ik no dalaruma sei poupansa ekonomia kombustivel. M
  Harbour Air iha planu atu konstruir liu tan husi 40 frotas. Entantu, aeronaves eletrika tenser komesa sertifikasaun tinan rua no prosesu aprovasaun ba sistema propulsaun no reforsu aeronaves, informa empresa ne’e iha komunikadu ida. Iha limitasaun maka dehan aeronaves eletrika ne’e hetan semo 100 kilometru deit ou kuase 160 kilometru ho potensia bateria litiu, dehan Ganzarski. Entantu, rotasaun ne’e oituan deit ba maioria aviasaun semo distansia badak tebes ne’ebe realizadu husi Harbour Air. Empresa seluk mos servisu hela aeronaves eletrika, inkluidu Boeing no Airbus.
Fontes: Kompas.com

HUSIK RESPOSTA