Forsa Teknolojia Jigante tenki investiga iha EUA

Departamentu Justisa anunsia investigasaun ida ba plataforma online ne'ebe bo'ot, halo revista karik sira limita kompetisaun justamente ka lae.

0
58

DoJ la mensiona naran husi kompania ne’ebe deit, maibe kompania hanesan Facebook, Google, Amazon no apple iha posibilidade sei investiga kle’an liu..

Ida ne’e kauza husi “preokupasaun ne’ebe bo’ot” kona ba “peskiza, media sosial no servisu ritel online sira balun,” hatete DoJ.

Ida ne’e marka seguransa foun husi forsa kompania teknolojia ba ekonomia EUA.

Komisaun Federal Komersiu husi EUA hare’e ona preokupasaun ne’ebe hanesan, iha mos investigasaun ne’ebe akontese iha Uniaun Europea.

Fulan kotuk, Departamentu Justisa informa prepara hela investigasaun ba Google hodi determina karik makina peskiza jigante ne’e kontra lei anti-trust.

Departamentu Justisa EUA hatete revista anti-trust sei konsidera “Oinsa plataforma online bo’ot iha merkadu ne’e bele to’o iha forsa merkadu no envolve iha pratika ne’ebe reduz kompetitor,  impede inovasaun ka la fo benefisiu ba konsumidores”.

Karik hodi ezamina problema inklui oinsa kompania teknolojia bo’ot bele sae iha medida no forsa, no dezenvolve sai negosiu ne’ebe aumenta, no mos oinsa sira uza ona forsa ne’ebe mai ho iha rede utilizador ne’ebe bo’ot los.

“Sem dixiplina kompetitor ne’ebe bazea ba merkadu ne’ebe signifikativu, platforma dijital bele reata ho maneira ne’ebe la renponsivu ba demanda konsumidores,” Asistente prokurador Jeral Makan Delrahim, ne’ebe lidera Divizaun Anti-trust, hatete iha deklarasaun ida.

Departamentu Justisa seidauk hatete espesifikamente kompania ida ne’ebe halo hela investigasaun ba, maibe ho segura bele asumi katak Apple Amazon, Facebook no Google sei sai foka ba sira nia atensaun.

Perguntas jeral mak ba Foun sira ne’e bele kompete hasoru eskala no rikusoin husi silikon jigante ne ka lae. Saida mak sei halo kompania-kompania sira ne’e la hakmatek mak DoJ la hare’e iha alegasaun espesifiku, maibe oinsa hare’e kompania-kompania ne’ebe iha forsa, no saida mak sira halo ona hodi nafatin iha ne’eba.

Investigasaun foun ne’e hanesan aumenta ida husi investigasaun ne’ebe la’o hela husi Komisaun Federal Komersiu EUA ba preokupasaun ne’ebe hanesan, no mos investigasaun ne’ebe akontese iha Uniaun Europea.

Kompania-kompania teknolojia insiste katak iha kompetisaun ne’ebe viavel, no fo hanoin katak hafahe kompania bo’ot iha Amerika karik loke dalan ba kompetitor enstranjeiru liu-liu husi Xina.

Google no Facebook agora domina promosaun online tamba konsumidores uza sira nia smartphone hodi order hahan, asisti filme, no halo sosializasaun husi online. Aleinde ne’e popularidade sosa iha online hasa’e ona rikusoin kompania hanesan Amazon. Daniel Ives, analizador husi kompania research Wedbush Securities, hatete investigasaun DoJ mak “tiru ne’ebe bo’ot hala’i liu rama” kompania teknolojia bo’ot. Maibe, nia hatete rezultadu ikus karik sei rezulta “modelu negosiu tweaks” iha iha senariu ne’ebe a’at los karik multa duke hapara negosiu ho obriga ne’ebe bazeada ba. Kompania Teknolojia hasoru reasaun globalizasaun ne’ebe aumenta sa’e, dudu husi preokupasaun katak sira iha forsa ne’ebe barak liu no la fo benefisiu ba utilizador no inimigu negosiu. Google no Apple lakohi atu komentariu, enkuantu Facebook no Amazon imediatamente seidauk komentariu.   Fontes : BBC News TR. : Hallo.tl

HUSIK RESPOSTA