Funu Iha Médiu Oriente, Taka Dalan Atensaun Mundu Nian Ba Guin­é-Bissau

0
740

Eis Prezidenti Repúblika (eis PR), José Ramos Horta hateten katak, problema bo’ot iha Médiu Oriente hanesan Pakistan, Afganistaun, liu-liu Palestina ho Israel ne’ebé akontese oras ne’e dadaun, muda ses tiha mundu nia atensaun husi Guiné-Bissau atu hetan ajudus finansiamentu.

Tanba ne’e, simeira Comunidade dos Países da Língua Portugues (CPLP) mai ne’e, Horta dehan, nasaun CPLP tomak halo esforsu hodi foti desizaun ida konkreta. Li-liu rai sira riku hanesan Angola ho Brazil, tanba sira na’in rua ne’e mak bo’ot no riku liu husi nasaun sira CPLP seluk, tuir ezemplu Timor Leste (TL) nian hodi fó apoiu maka’as ba Guiné-Bissau.

“Problema ne’ebé bo’ot iha médiu oriente, Egipto no Palestina agora, i mai fila-fali iha Irake mós bo’ot los, Syria, Libya, Somalia, Mali, Republika Africana, Sundaun do Sul, Kongo, Afganistaun, Pakistaun mós problema oi-oin, inklui mós tensaun bo’ot iha tasi sul Xiña nian, entre nasaun Xiña sira, Vietnam, Filipina, Japaun no Korea,”afirma José Ramos Horta ba Jornalista sira hafoin hala’o palestra ho tema “Desafios á Paz e Segurança na Ásia” ba lideres Falintil Forsa Defeza Timor Leste (F-FDTL), no Polisia Nasional Timor Leste (PNTL), iha Institutu Defeza Nasional (IDN), Tersa, (15/7).

Ramos Horta hatutan katak, ho funu ne’ebé mak mosu iha Médio Oriente, dada ses tiha atensaun mundu nian husi Guinea Bissau.

“Atu hetan finansiamentu apoiu ba Guinea Bissau susar teb-tebes, Nasoens Unidas gasta osan lubuk ida atu fó refuziadus sira iha Syria. Tanba Guinea Bissau dadauk ne’e, hatudu sira nia komportamentu di’ak teb-tebes, i merese hetan apoiu no ajuda husi nasaun seluk.

“Ne’eduni ha’u fiar ke, simeira CPLP sei halo desizaun konkretu atu fó apoiu finanseiru urjente ba Guiné-Bissau, i depois halo mós lobi hamutuk ho Japaun, Xiña, União Europeia, Estadus Unidus da Amerika (EUA), para rai sira ne’e mós fó tulun ba Guiné-Bissau,”Ramos Horta afirma.

Tanba dehan Ramos Horta, Guiné-Bissau dadauk ne’e hamriik ona hanesan Estadu ida ne’ebé nakonu ho paz, estabilidade, i komunidade Guiné-Bissau sira mós promete ona atu hakribit violénsia hodi dezenvolve sira nia nasaun atu sai nasaun dezenvolvidu hanesan mós nasaun sira seluk.tap

LEAVE A REPLY