Governu Laiha Poder Kontrola Aifunan Plastiku Iha Merkadu

0
163
Governu Seidauk Iha Poder Total Hodi Kontrola Negosio Aifunan Plastiku Iha Merkadu Tanba Lei Seidauk Iha.
 
   Sekretario de Estado do Ambiente Demétrio de Amaral de Carvalho hateten governu seidauk iha poder total hodi kontrola negosio aifunan plastiku iha merkadu tanba lei seidauk iha. Nia dehan sira elabora ona dekretu lei kona ba kontrolu plastiku nian, maibe esbosu ne’e sei iha Konselho Ministrus seidauk lori ba presidente da republika atu promulga.
      “Dekretu lei ne’e vigora ona maka hau foin iha poder atu asegura. Dekretu ne’e aprezenta ona iha konselho ministrus, maibe seidauk lori ba presidente promulga entau hau nia mensagen familia sira hotu katak ita nia matebian sira ita respeitu ho domin sosa aifunan fresku ou ku’u aifunan iha uma ninin atu fo. Labele sosa aifunan plastiku tanba ita nia matebian sei labele han aifunan plastiku, nune’e mos rai,” nia hateten iha servisu fatin Mandarin, Dili.
      Nia dehan ema hotu tenke iha komitmentu atu kombate plastiku, liu husi asaun sira rejeita plastiku hodi salva rai doben Timor.
    Nia hateten esforsu governu nian halo aprosimasaun ho setor privado sira atu bele halo investimentu ba area resiklajen nian no iha ona empreza balun ne’ebe interese atu halo investimentu iha area transforma plastiku konvensional ba material konstrusaun nian.
   Iha parte seluk diretur Organizasaun Hametin Agrikultura Sustentavel Timor-Leste (HASATIL), Gil Boavida hateten atu kontribui ba implementasaun politika zero plastiku maka governu tenke haforsa edukasaun sivika ba komunidades atu hatoman aan uza bote ba kompras no kontrola sasan sira ne’ebe laiha kualidade iha merkadu.
   “Ezistensia ita nia maluk negosiante chineza sira, ita bele dehan sira nia produtu imitasaun maka barak ema uza la kleur aat ona, entau ita tenke kontrola atu redus kualidade sasan sira ne’e,” nia hateten. Nia sujere mos ba governu atu aplika mos taxa ba setor privado no uma kain sira atu bele halo jestaun fali ba lixu ne’ebe sira produs lorloron.
      Fontes: The Dili Weekly         Tr.: Hallo.tl

HUSIK RESPOSTA