HNGV deve Farmasia Bethesda U$93 mil

0
119

Diretur apoiu diag & terapeutica Dr. Mendes Pinto informa, durante ne’e, kuandu stok aimoruk la iha, Hospital Nacional Guido Valadares (HNGV) kontraktu farmasia Bethesda, farmasia Gunung ho Istana Farmasia hatama aimoruk.

Maibe husi fulan Marsu to’o Maiu, HNGV sei deve hela Farmasia Bethesda nia osan hamutuk US$ 93 mil, tanba orsamentu ne’ebe Parlamentu Nasional aloka mai iha HNGV ne’e U$32 mil deit, entaun la sufsenti atu sosa aimoruk.

“Hospital Nacional Guido Valadares seidauk selu deve ba kompañia farmasia Bethesda husi fulanMarcu, Abril no Maiu hamutuk $ 93 mil, inklui mos fulan Juñu, Jullu no Agustus, ida ne’e selu ida ba farmasia Bethesda deit farmasia rua hanesan farmasia Gunung ho Istana Farmasia seidauk seluk, tanba bazeia ba inbox ne’ebe tama,” informa Dr. Mendes ba jornalista sira iha HNGV,  Kinta ( 15/9/16).

Nia hatutan, Hospital Nasional Guido Valdares seidauk selu dividas farmasia Bethesda nia, maibe sei iha prosesu hela.

Nia haktuir, komesa fulan Janeiru to’o agora, Hospital Nasional GuidoValadares simu aimoruk husi SAMES, maibe agora HNGV seidauk hatene bainhira mak aimoruk ne’e tama, tanba ne’e komesa fulan Marsu halo prosesu aprovijionamentu ba ema sira atu hatama aimoruk, atu suporta HNGV bainhira aimorukla iha.

“Ami foin lalais ne’e halo aprovijionamentu ba kompañia farmasia tolu mak manan tende hanesan, farmasia Bethesda nia hatama aimoruk esensial, farmasia Gunung Mas nia halo konta ba resenti ba hemodialisis no hatama aimoruk konsunmeves hanesan soru, ligadora blester no istana farmasia mak hatama aimoruk especialista, tanba ne’e kuandu stok aimoruk la iha kompañia tolu ne’e mak hatama mai,“esplika nia.

Nia dehan, bainhira aimoruk iha HNGV la iha husi departamentu halo relatoriu ba iha diretur mak fo sai orden servisu.car

HUSIK RESPOSTA