Igreja Respeita Prezensa LGBTI Maibe Rezeita Sira nia Orientasaun Seksual

0
249

Igreja Katolika Timor –Leste respeita ezistensia komunidades Lesbian, Gay, Bisexual, Transgender and Intersexed (LGBTI) maibe rezeita sira nia orientasaun seksual tanba kontra Maromak nia ukun fuan.

Amu Bispo Diocese Dili, Dom Virgilio do Carmo da Silva hateten ema hotu ne’e kriatura Maromak nian, ne’e duni sosiedade hotu iha dever atu respeita malu no respeita ema ida –ida nia hanoin inklui mos komunidade LGBTI sira nia hanoin.

Amu Bispo Diocese Dili, Dom Virgilio do Carmo da Silva hateten ema hotu ne’e kriatura Maromak nian, ne’e duni sosiedade hotu iha dever atu respeita malu no respeita ema ida –ida nia hanoin inklui mos komunidade LGBTI sira nia hanoin. Nia dehan, ohin loron mundu koalia kona ba liberdade, signifika katak ema hotu iha liberdade atu koalia, moris no hala’o atividades ruma ba sira nia moris. “Nudar ema kriatura Maromak nian ita respeita malu, maibe sira nia orientasaun seksual ne’e la’os ona buat ida ne’ebe ita apoiu tanba Maromka kria ita, forma familia ne’e entre feto no mane deit, laiha fali mane ho mane no feto ho feto,” nia hateten iha servisu fatin Lecidere, Dili. Nia hateten, uluk kedas to’o agora uma kreda tane aas nafatin katak familia ne’e forma husi feto no mane deit, la’os feto ho feto no mane ho mane. Entretantu, Reprezentante Kongregasaun SSPS Madre Juliana Marques hateten sira iha koperasaun servisu ne’ebe diak ho komunidade LBGTI tanba sira mos iha direitu hanesan mos sosiedade sira seluk. Nia dehan, iha kapitulu jeral sira nian hateten haluhan sirku komuniaun ho maluk sira ne’ebe ema la simu iha sosiedade tanba ne’e koperasaun ida ne’e parte ida husi sira nia misaun. “Iha parte balun mak igreja la konkorda e nafatin toma atensaun liu husi ita nia prezensa hodi redus buat ne’ebe tuir igreja nia hanoin ladiak,” nia hateten. Iha parte seluk, Provedor dos Direitus Humanus e Justisa (PDHJ), Silverio Baptista Pinto rekonese presiza tempu atu sosiedade Timor –Leste simu prezensa komunidade LGBTI, maibe estado tenke konsidera dezafiu ne’e hanesan faze ida atu konsensializa sosiedade tanba prezensa grupo ida ne’e iha. Nia dehan, governu koalia kona ba inkluzaun signifika tenke hare no konsidera mos diversidade sira ne’ebe iha sosiedade laran. “Ita koalia kona ba kontekstu direitu humanu ba ema hotu, maluk sira LGBTI sira nia orientasaun seksual diferente ho sira nia origin, maibe ita tenke respeita sira nia direitu tanba sira mos iha direitu hanesan ita ema seluk,” nia hateten. Nia hateten, estado iha dever atu fo konsiderasaun ba direitu ema ho LGBTI sira nian liu husi politika ruma, asegura sira nia direitu atu sira mos bele joga sira nia direitu politiku, ekonomia, social no kultura.

Fontes : The Dili Weekly 

HUSIK RESPOSTA