Juventus Iha Sinal Bo’ot Vitoria Hodi Kontra Sassuolo

0
87

Juventus seidauk invensivel iha temporada ne’e.

                 
   Juventus iha sinal bo’ot vitoria hodi kontra Sassuolo iha jogu Liga Italiana semana ida ne’e tanba iha historia fraku ekipa kontra kada tempu koñese oan hakiak Maurizio Sarri.
   Juventus presiza vitoria ida atu manter primeiru posisaun kampeonatu Liga Italiano hetan ameasa husi Inter Milan. Sassuolo ne’ebe hanesan kontra Juventus iha semana ba dala-14, iha historia ne’ebe mak ladiak kuandu hasoru Bianconeri.
   Sitadu husi Opta, Juventus konsege gannar ultimu jogu hitu ne’ebe kontra Sassuolo ho golu totalmente 21. Buat ne’e signifika Juventus iha media golu tolu kada hasoru Sassuolo. Rekorde bo’ot vitoria Juventus iha Estadiu Allianz mos registradu ba Sassuolo (hamutuk Parma), Juventus konsege gannar 7-0 husi Sassuolo. Aleinde rekorde Juventus husi Sassuolo, buat seluk ne’ebe maka bele sai indikasaun positivu antes atu jogu kontra Sassuolo maka rekorde Higuain.
   Atakante husi Argentina ne’e mos iha historia diak kuandu hasoru Sassuolo. Higuain marka tiha ona golu nen iha ha’at reuniaun kontra Sassuolo, inkluidu mos hattrick iha jogu Fevereiru 2018. Laos ida ne’e deit, maibe Higuain iha mos mellor desempeñu ultimu jogu balu iha Liga Italiano. Higuain badinas fo’o assistensia iha ultimu jogu tolu Serie A ida ne’ebe nia joga ona.
   Juventus seidauk invensivel iha Liga Italiano temporada ida ne’e no marka tan ona vitoria 11 ho rezultadu empata rua.  Rekorde pontu 35 iha Serie A temporada ne’e hanesan lakon deit husi rekorde iha 2018/2019 (37) no 2005/2006 (36).
 
                 
Fontes: CNN Indonesia

HUSIK RESPOSTA