Kazu Soe Bebe “buras” Isabel Fereira : “Uniku dalan mak Fiar”

0
551

Koordenadora Casa Cidadania, atual Espoza Primeiru Minustru Isabel Fereira, hatete,  uniku dalan atu kombate kazu soe bebeik ne’ebe mak dadaun ne’e buras iha Timor-Leste mak Fiar,  tamba ho fiar mak habrani an tomak hodi hasoru tentasaun hotu.

“Ita triste tebes rona kazu soe bebe bebeik iha ita nia rain, la’os primeira vez, tinan barak ita rona, liu-liu iha tinan ida ne’e fulan Setembruiha kazu hanesan ne’e dala rua, hanesan timor oan senti triste, maibe atu kombate situasaun ida ne’e dalan seluk laiha so iha deit mak fiar, ha’u sempre dehan normalmente problema sira ne’e sempre mosu ba inan sira, lakon esperansa, tamba laiha fiar, entaun hili dalan simples, oho nia bebe ou soe nia bebe tamba nia tauk no moe”, Hateten Isabel Fereira ba Jornalista sira iha Salaun Ministeriu Agrikultura e Pescas (MAP), comoro, Dili, Kinta (04/10/2018)

Ba Kestaun ne’e, Isabel Fereira husu ba Estado no Igreja atu halo Kampana ida hodi sensibiliza iha sidadaun hotu hodi hametin fiar.

“Hau hanoin ida ne’e importante tebes ba Estadu no Igreja para bele halo kampania sensibilizasaun ba sidadaun hot-hotu liu-liu hametin sira nia fiar. Tamba ema ne’ebe iha fiar prontu no brani atu infrenta no ultrapassa dezafiu sira hot-hotu. Joven feto sira dala barak monu ba tentasaun  no hili dalan fasil  tamba sira nia fiar fraku, ne’ebe ba ida ne’e laos ho lei maka rezolve, no laos Estado nia responsavel deit, maibe mos familia liu-liu inan aman sira atu akompanha oan sira” dehan Isabel Fereira.

Isabel Fereira mos afirma, relasiona ho kazu soe bebe, sociedade labele fo salah deit ba feto, tamba iha relasaun entre  feto no mane maka iha bebe.

Problema soe bebe laos fo sala ba feto ka mane, feto kous tamba iha relasaun entre feto no mane, entaun responsabilidade ne’e kabe ba nain rua, tamba ne’e mak labele fo salah deit ba feto. Hanesan mos feto fo hanoin ba malu, ne’ebe labele hanoin barak katak igualdade jeneru ne’ebe haluha tiha papel ida ne’ebe importante hanesan jestores no edukador ita presija proteze ita nia an husi tentasaun hot-hotu, proteje liu husi fiar, tamba fiar maka sai hanesan anjo da guarda, fiar maka sai hanesan seguransa hodi infrenta buat hot-hotu, “sublina Isabel Fereira

Isabel Fereira mos dehan. meius ida maka ba feto maluk ne’ebe kous laiha dalan ona ba sira, dalan uniku mak lori ba orfanatu sira hodi asegura.

“Hau hanoin  labele uza nafatin razaun ida katak kiak, laiha kondisaun mak halo bebeik sala, kontinua mos bebeik sala. Husu ba inan aman sira atu akompanha sira nia oan ho didiak, labele uza problema ekonomi hodi justisa buat hot-hotu atu la fo atensaun ba oan sira. Joven feto sira agora iha oportunidade barak hodi hadia futuru”. dehan nia.

Entretantu iha 8 agostos 2018 komunidade hetan bebe ida ho kondisaun mate ne’ebe soe husi ema deskonesidu iha aldeia Bekusi kraik, suku Bekora Postu administrasaun Kristu-Rei, Munisipiu Dili. Nune’e mos iha kuarta (5/9/2018) PNTL hili mos bebe feto ida iha lixu fatin iha aldeia Markoni 04, suku Fatuhada, Postu administrativu Dom Aleixo, Munisipiu Dili, no iha segunda (01/10/2018) Polisia Forensik hili tan bebe ida ho identidade feto iha comoro ho kondisaun mate mia.

Fontes : GMN

 

HUSIK RESPOSTA