KEMA La’o Ain Husi Dili To’o Aileu Partisipa Serimonia 28 Novembru

0
169
Membru KEMA hafoin partisipa komemorasaun 28 Novembru ba dala-44 iha Munisipiu Aileu.
                     
   Konsellu Estudante Munisipiu Aileu (KEMA), ne’ebe kompostu estudante universitariu husi universidade oioin la’o ain hahu husi Dili to’o Munisipiu Aileu hodi partisipa iha serimonia komemorasaun Proklamasaun Independensia, 28 Novembru, ba dala-44.
   Ami nia jornada ida ne’e hahu husi Dili mai to’o Aileu iha loron 26. Ami nia jornada, liuhusi Laulara, iha suku haat hanesan Bokolelo, Fatisi, Tohumeta no Madabeno, Vise-Koordenador KEMA, Maria do Rosάrio Alves, ba ajensia TATOLI, iha kampu Tebe Bola, Sabraka Laran, Aileu, hafoin partisipa serimonia komemorasaun 28 Novembru, ohin.
   Nia haktuir, durtante jornada liuhusi suku sira ne’ebe mensionadu sira identifika problema sosial oioin ne’ebe mak komunidade sira enfrenta.  Iha ne’eba ami haree problema oioin ne’ebe mak akontese iha ne’ebe no problema sira iha ne’eba mak hanesan infraestrutura bazika, ema vulneravel sira. Nune’e mos problema eletrisidade, nia haktuir.
   Bazea ba situasaun sira ne’e, Joven Aileu ne’e espera katak iha diskusaun Orsamentu Jeral Estadu (OJE) nian husi Parlamentu Nasional (PN), iha tempu barak, bele dikute no haree mos preokupasuan no problema sira ne’ebe mak komunidade enfrenta, inklui Aileu.
   Orsamentu sira ne’e karik mai, hau fiar katak sei jere ba buat sira ne’ebe mak sei falta hela no problema sira ne’ebe mak iha, hau hanoin sei resolve ho diak, konklui Maria do Rosάrio Alves.
                               
Fontes: Tatoli.tl

HUSIK RESPOSTA