Kenya Lansa Jerador Ba Enerjia Anin Eletrika bo’ot iha Afrika

0
151
Iha fotografia ne’e hasa’i iha 2016 anin turbina husi Lake Turkana Wind Power project (LTWP) hetan iha distritu Loiyangalan, Munisipiu Marsabit , Kenya norte.

Kenya lansa fatin produsaun ba enerjia anin ne’ebe bo’ot iha Afrika, hodi hasa’e kapasidade jerador eletrika no hodi kompleta objetivu ambisiozu nasaun ne’eba nian ho 100% enerjia matak iha 2020.

Fatin Produsaun anin, ne’ebe konese hanesan Lake Turkana Wind Power (LTWP) sei jeneraliza enerjia kuaze 310 megawatt ba rede nasional no sei hasa’e fornesimentu eletrika nasaun 13%, hatete husi Prezidenti Uhuru Kenyatta iha lansamentu husi projetu ne’e iha Sexta.

“Ohin Loron, ami hasa’e fila fali estandarizasaun ba kontinente wainhira ami fo sai produsaun anin ne’ebe bo’ot liu iha Afrika,” Kenyatta hatete.

“Kenya sertamente sei sai lider global ba enerjia foun.”

Projetu ida ne’e hetan apoiu mos husi koridor Anin iha Turkana, korente jet ho nivel ki’ik ne’ebe mai husi Oseana India no hu’u durante tinan tomak, bazeia ba deklarasaun ida husi governu.

Konsorsiu kredor no produtor internasional, ne’ebe inklui Banku Dezenvolvimentu Afrikanu, mai hamutuk hodi halo instalasaun 365 anin turbina, ne’ebe ho kustu kuaze miliaun $700, investimentu privadu ne’ebe bo’ot iha istoria Kenya, hatete husi Prezidenti Kenyatta.

Moinho ventu lâmina metru 52 sei aproveita anin ne’ebe bo’ot iha area remota.

Iha tinan hirak ikus, Kenya halo ona progresaun iha investementu ba fonte enerjia ne’ebe mo’os. Bazeia ba relatoriu foun Global Status 2018, nasaun ida ne’e iha pozisaun 9 iha mundu ba kapasidade jerasaun enerjia jeotermika to’o 700 megawatt.

Kuaze 70% husi eletrisidade nasional Kenya mai husi fonte foun hanesan enerjia hidrelétrika no jeotermika.

Empreza eletrisidade estatal KenGen produz aproximadamente 80% enerjia konsumu iha Kenya, no husi 65% ne’eba mai husi fonte enerjia hidrelétrika, ne’ebe mak fa’an enerjia ba Kenya, kompania tranzmisaun eletrisidade prinsipal iha nasaun.

LTWP kenya la’os projetu enerjia anin uniku ne’ebe eziste iha kontinente. Afrika iha fatin produsaun anin ne’ebe halo operasaun iha Maroko, Ethiopia no Afrika Sul ne’ebe fornese enerjia kontinuasaun.

Iha Afrika Sul, enerjia anin hasa’e ona eletrisidade. Ho fatin produsaun anin ne’ebe iha lima, nasaun ne’eba aumenta ona koletivu 645.71 MW ba rede nasional.

No iha Ethiopia, nia fatin produsaun anin rua fornese 324 MW husi total produsaun eletrisidade nasaun 4180 MW. Enkuantu projetu ne’e ajuda konstrui fornesimentu enerjia iha kontinente, Ajensia Internasional Enerjia hatete katak Afrika subsaariana presiza investe Biliaun US $ 300 to’o asesu eletrisidade universal iha tinan 2030. Fontes : CNN News  Tr. : Hallo.tl  

HUSIK RESPOSTA