KONTRIBUISAUN TIMOR TV BA TIMOROAN SIRA DEPOIZDE TINAN IDA HALO LANSAMENTU

0
681

Dezde lansamentu aplikasaun Timor TV husi Telemor iha loron 15 Junu 2018, Timor oan sira aproveita asiste kanál TV oioin no video interesante sira iha sira-nia Telemovel liuhusi aplikasaun Timor TV. Aplikasaun ida-ne’e konveniente tebes no halo sira sente konfortavel atu asiste TV no Video sira iha ne’ebé de’it no bainhira de’it.

Iha loron 15 Junu 2019, Telemor sei selebra aniversáriu tinan ida lansamentu aplikasaun Timor TV iha Timor-Leste, aplikasaun ida-ne’ebé mak agora daudaun timor oan sira aproveita hodi asiste programa TV oioin husi kanál diferente no video furak oioin iha sira-nia telemovel rasik liuhusi aplikasaun Timor TV aplikasaun ne’ebé uluk nunka eziste iha Timor-Leste. Utilizador Timor TV sei poupa liu tempu no mós osan tanba kustu servisu ne’e barratu liu.

Molok lansamentu aplikasaun ne’e, Timor oan sira laiha dalan seluk atu asiste programa TV sira hanesan jogu futebol, notísia no seluk tan. Baibain sira asiste TV uza de’it TV ho konjuntu ida tomak ne’ebé sira sosa iha Loja. Tanba ne’e, halo sira ladun konveniente tanba folin karru no sira tenke mantein nafatin iha fatin bainhira sira hakarak asiste no rona programa TV.

Depoizde prezensa Timor TV nian iha Timor-Leste liuhusi lansamentu iha 15 Junu 2018, iha okaziaun kopa mundiál 2018, husi ne’e kedas, Timor oan hahú aproveita servisu Timor TV. Durante okaziaun kopa mundiál, ema barak iha Timor Leste asiste kopa mundiál 2018 iha sira-nia telemovel ho de’it Timor TV. To’o agora, kuaze joven sira iha Timor-Leste uza ona Timor TV iha sira-nia telemovel.

Sr. Jose, hanesan mós utilizadór Timor TV hateten, “Daudaun ne’e ha’u sente haksolok no konveniente loos tanba bele ona asiste TV no video barak iha telemovel. Ho prezensa Timor TV, agora ha’u bele asiste ona programa no kanál TV oioion iha kualker fatin no kualker tempu liuliu, bainhira iha jogu futebol, ha’u uza de’it mak aplikasaun ne’e atu asiste iha ha’u-nia telemovel. Ida-ne’e konveniente no furak loos ba ami”.

Oras ne’e, Telemor nu’udar operadór ho kobertura rede 4G boot liu iha Timor-Leste iha ne’ebé rede 4G disponivel iha distritu hotu. Operadór telekom ne’e iha planu atu haluan tán ninia kobertura rede 4G to’o 40% iha rohan tinan ne’e nian. Ho rede ne’ebé kobre nasaun tomak ne’e, utilizadór Timor TV bele asiste TV iha sira-nia telemovel iha ne’ebé de’it iha Timor – Leste.

Telemor sei nafatin kontinua fornese funsaun interesante no konveniente husi Timor TV atu halo Timor oan sira satisfaz ho moris dijitál liuliu ba servisu divertimentu nian. Agora daudaun iha ona utilizadór Timor TV kuaze 50.000 no barak liu husi sira utiliza aplikasaun ne’e atu asiste jogu futebol entre klubu famozu sira.

HUSIK RESPOSTA