Korea Norte lansa “projetil” datoluk iha loron ualu tu’ir mai

0
149
Korea Norte mos tiru sira nia Rudal balistiku ho distansia badak kuarta liu ba.

Korea Norte aumenta ona projetil ne’ebe seidauk identifika ho distansia badak dala rua, Korea Sul hatete, iha teste dala tolu iha nasaun ne’eba durante semana ida nia laran.

Lansamentu ne’e akontese iha area tasi leste sesta dader.

Sira parese hanesan reasaun ba planu treinamentu militar entre Korea Sul ho EUA ne’ebe ajenda iha fulan ida ne’e.

Aleinde ne’e, Inggris, Fransa no Alemanha husu ona ba Korea Norte hodi envolve iha negosiasaun ne’ebe “signifikativa” ho EUA.

Hafoin reuniaun ida iha Konsellu Seguransa ONU, estadu hatete sansaun internasional presiza plenamente kumpri to’o Pyongyang fo sai ona programa-programa nuklear no nia rudal balistiku.

Lansamentu akontese iha tuku 02:59 (17:59 GMT kinta) no 03:23 oras lokal, husi area Yonghung iha provinsia Hamgyong Sul to’o Tasi Japaun, konesidu mos tasi leste, bazeia  husi Korea Sul nia Joint Chiefs of Staff (JCS).

Ankit Panda, asistente senior iha Federation of American Scientists hatete, area ne’e parese hanesan fatin lansamentu ne’ebe mak seidauk uza antes ne’e.

“Tema seluk husi Kim Jong-un nia era aleinde lansa iha kalan : lansamentu iha site ne’ebe antes ne’e seidauk uza / ladun uza.”

Prezidenti EUA Donald Trump iha White House hatete nia la preokupa ho lansamentu foin lalais ne’e tamba sira ne’e rudal ho distansia badak no “baibain hela”.

Fontes : BBC News 

TR. : Hallo.tl

 

HUSIK RESPOSTA