La Hatan EM Hamos Duut, LP Simu Tuku

0
195

Dili – Arguidu ho inisial EM, tenke hatan iha Tribunal, tanba halo agresaun hasoru LP.

Tuir akuzasaun husi Ministeriu Publiku neebe Tribunal lee sai katak, arguidu o lezada, moris hamutuk hanesan fen no laen, iha tinan 2013 no iha oan nain tolu.

Iha loron 20 fulan Janeru iha Likisa arguidu tuku dala ida iha lezada nia kanuruk, no tuku dala lima iha lezada nia tilu.

Arguidu halo agresaun hasoru lezada, tanba deit lezada la hatan arguidu atu ba hamos ema nia duut.

Arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi KP, konjuga ho lei violensia domestika nian.

Hatan ba faktus nee, arguidu hili nia direitu silensiu.

Iha fatin hanesan, lezada mos deklara katak, arguidu halo duni agresaun hasoru lezada, tanba lezada la hatan arguidu atu ba hamos ema nia duut.

Liu husi alegasaun MP solisita ba Tribunal atu aplika pena Admoestasao ba arguidu. Enkuantu husi parte defeza nian, solisita ba Tribunal atu aplika pena neebe mak MP husu ona, tanba agora dadaun lezada no arguidu diak malu ona.

Rona tiha husi parte rua, Tribunal adia hikas ba loron 7 fulan Novembro oras tuku 15:00 hodi rona leitura sentensa.

Audensia julgamentu nee, prezide husi Juis Singular José Maria Ministeriu Publiku reprezenta husi Prokurador Bartolomeo de Araujo, arguidu hetan asistensia legal husi Defensor Publiku. 

Fontes: Timor Agora

HUSIK RESPOSTA