Labarik Hili Sigarru Liu Prazu Iha Lixu Tibar Ba Fa’an Fali

0
62
Labarik ida lori hela sigarru liu prazu ne’ebe kompaña LISUN ho AIFASA ba halo’o destruisaun iha fatin Lixu Tibar mas ahi la konsege han to’o hotu. Sigarru sira ne’e, labarik sira lori ba faan fali.
     
 Komunidade balun inklui labarik sira aproveita sigarru liu prazu ho marka DUNHIIL ne’ebe autoridade governu no kompaña nasional sira ba soe iha Sentru Lixu Tibar. Komunidade ho labarik sira hili hodi haloot didi’ak fali sigarru liu prazu ne’e hodi sira konsume no balun sira fa’an fali ba komunidade seluk.
  Labarik ki’ik kuaze liu na’in 10 ho kontente hala’o atividade kee fila fali rai kuak hodi foti sigarru ne’ebe halo’o ona destruisaun ka sunu motuk, maibe ahi la konsege han hotu kedas tanba ne’e sira rekolla lori ba fa’an. Francisco Miguel (10) ho Mariano de Lima Gomes (8) haktuir, sigarru ne’e Autoridade Inspesaun Fiskalizasaun Atividade Ekonomia Sanitaria no Alimentar (AIFAESA, I.P.) no kompaña LISUN maka ba soe no sunu iha kuarta (23/10/2019).
  Labarik rua akompaña ho sira nia kolega taka oin metin ne’e dehan, rai kuak ne’ebe autoridade sira kee ladun naruk no kuantidade sigarru barak liu. Ne’e bainhira sunu, ahi konsege han hotu kedas, tanba ne’e, kaixa hirak ne’ebe ahi la han sira foti fila fali lori ba fa’an.
  “Ami ho maun sira mai haree sigarru ema mai sunu la hotu. Tanba ne’e, dezde konta to’o sesta ohin, ami kee fila fali rai kuak hodi hasai sigarru balun tomak hela hamoos lori ba fa’an fila fali masu ida $0,50 too $1,00 no balu slop no kaixa tomak ema sosa hotu. Tanba ne’e loron rua ona ami mai kee hodi foti sigarru balun sei tomak no moos hela,” hateten Francisco Miguel ba Ajensia TATOLI iha lixu Tibar.
 Bainhira halo’o observasaun, jornalista TATOLI halo’o esplikasaun hodi konvense labarik sira kona-ba sigarru liu prazu ne’ebe foti lori ba fa’an bele afeta ba ema seluk nia saude, maibe labarik sira la preokupa, tanba sira lori ba fa’an ema balu kontinua sosa nafatin. “Ami la fuma ida maun (jornalista), ami lori ba uma maka fa’an, tanba ema sosa hela ne’e,” hateten Mario ho espresaun kontente hodi kontinua hili sigarru tau ba kaixa ne’ebe nia prepara ona.
  Rai kuak ne’ebe parte autoridade sira kee ladun naruk, nune’e bainhira halo’o tiha destruisaun ahi la konsege han sigarru too hotu. Nune’e mos rai kuak ne’ebe la taka, fo oportunidade ba komunidade ba kee rai hodi foti sigarru masu no slop ne’ebe sei ho kondisaun diak. Iha fatin destruisaun ne’e, nota sigarru lolon no masu tomak labarik sira hasai hosi rai kuak soe namkari arbiru iha rai leten.
  Bazeia ba dadus ne’ebe fo sai AIFAESA no kompañia LISUN total sigarru DUNHIIL ne’ebe sira lori ba halo’o destruisaun ho kuantidade keixa 421.50 no slop hamutuk 21.075. Razaun Empreza Lisun foti hodi halo’o destruisaun ba sigarru ne’e tanba kualidade husi sigarru DUNHIIL ne’e la tuir ona padraun sigarru ne’ebe diak.
  Fontes: Tatoli.tl       Tr.: Hallo.tl

HUSIK RESPOSTA