LFA Jornada-10 – Carase fó han Academica 3-0

0
58

Jornada-10, kontinuasaun jogu primeiru divizaun kampionatu Liga Futebol Amadora (LFA) Timor Leste, ekipa Carsae FC (football club) fó han Academica FC ho score golu 3-0, husi kontra atake ne’ebé mak hala’o iha Estadíu Munispal Dili, Kinta (23/06/2016).

Ekipa rua ne’ebé lidera husi árbitu Aniceto Berlelo ne’e hahu jogu primeira parte, ekipa Carsae FC, liu husi jogadores liña klaran hanesan, Nataniel Reis hamutuk ho nia kolega sira halo kedas presaun másimu ba nia adversariu (Academica FC) ne’ebé hetan kontrola husi Gaspar da Silva ho nia kompatriota Jorge Victor.

Jogadores ekipa Carsae FC ne’ebé hetan treinu husi treinador Hugo da Silva (Timoroan) nia esforsu ikus mai hetan rezultadu positive, iha menutu 18, jogador Juvito da Silvaho style kalma hodi kabesa bola ba rede Academica ne’ebé hein husi José Matamalai, wainhira aproveita bola kantu ne’ebé mak lansa husi nia kompatriota João Ximenes.

Enkuantu golu refere, jogadores ekipa Carsae FC ho nia adeptus sira ne’ebé ba akompña direta jogu iha estadiu ne’e, sira simu ho kontente hodi hakilar no haklalak.

Jogadores ekipa Academica FC rasik mos hetan oportunidade lubuk ida hodi marka golu responde, maibe oportunidade hirak ne’e sira (Academica FC) rasik la finalize ho másimu husi avansadu Marcos de Jesus no Rufino Gama.

Tanba ne’e mak remata jogu primeira parte, ekipa Carsae lidera provizoriamente ho score golu 1-0.

Hafoin deskansa menutu 15, ekipa rua ne’e kontinua fali ba jogu segundu parte, jogadores ekipa Carsae FC halo nia esforsu másimu liu tan, hodi atake ba area Academica FC, i jogu foin la’o menutu 4 (menutu 49), jogador Emilio Ribeiro alias ‘Ary’ aumenta golu ida, wainhira aproveita bola kabesa ne’ebé mak lansa husi nia kompatriota avansadu JoãoXimenes.

Hafoin lidera ho score golu rua, jogadores ekipa Carsae FC hatudu tebes ninia tátiku no estratejia jogu hodi domina iha kampu laran, tanba ne’e mak haree kondisaun jogadores ekipa Academica FC, treinador Carsae FC, Hugo halo mudansa hodi halo substituisaun ba nia jogadores, dada sai Fernando de Jesus no hatama fali nia maluk avansadu SalomãoSoares.

Enkuatu estratejia refere hetan nia valor másimu, liu husi atake ne’ebé mak organiza husi liña parte direita (kuana) kampu Academica FC nian, Salomão Soares konsege marka golu ida, husi bola passa ain ba ain, ne’ebé mak hatudu husi Ary no Nataniel, entaun avansadu Salomão ho jersey (marka númeru kamizola) 3 ne’e simu hodi tebe maka’ás i lori nia ekipa lidera iha menutu 89. Enkuantu to’o remata jogu segundu parte, Carsae FC manan Academica FC ho score golu 3-0.

Ho rezultadu jogu refere, Carsae FC kolekta pontus 3 hodi aumenta sira nia Pontus ne’ebé antes ne’e 14 ba pontus 17 husi jogu 10, manan 5, empata 2, derota (lakon) 3, positive no negative golus (15-11=+4) no Academica FC mantein iha pontus 15 husi jogu 10, manan 4, empata 3, derota 3, (14-13=+1). Ito

HUSIK RESPOSTA