Liticia Clotilde Elimina, Reprezentante Timor Leste Hela ida deit.

0
198

Esforsu Liticia Clotilde hamaus jurista sira nia laran iha performa segundu Grupu 1 Top 15 Dangdut Academy Asia 4, la konsege fo rezultadu nebe mak satisfaz, Domingu kalan (2/12/2018). Konkorrente nebe mak reprezenta Timor Leste nee mos tenke simu realidade atu labele kontinua tan performa tan iha Palku Dangdut Academy Asia 4 Indosiar.

PERFORMA LITICIA CLOTILDE TOP RESULTS SHOW TOP 15 DAA4

Liticia elimina tanba lakon kompete ho konkorrente rua seluk hanesan Selfi hosi Indonesia, no Tyka Zatyka hosi Malayzia.

Liticia hetan valor total hosi performa rua Top Show no Top Show Results hosi jurista nain neen (6) hamutuk 986. Entretantu Selfi atinje nivel primeiru ho valor total 1051, no Tyka Zatika hamriik iha pozisaun segundu ho total valor 1012.

Kalan neba, realidade Liticia esforsu ona hodi performa diak liu hosi performa anterior sira. Too Komentator Indonesia Dewi Persik, fo impresaun makaas ba nia performa ho muzika jenre Rockdut, ho titulu Pasukan Dangdut.

“Ita boot iha progresu makaas. O nia lian prienxe ho karakter, mahar, no iha power nebe forte. Hela deit parte ida mak o tenke tau atensaun hanesan Tempo, no stage act, haree hanesan o duni tuir muzika no ladun fiar an bainhira performa,” hateten Dewi Persik ho impresaun no korresaun.

PERFORMA LITICIA CLOTILDE TOP SHOW TOP 15 DAA4

Liticia nebe mak sei tur iha kadeira sekundariu nivel 2 nee admite triste hetan eliminasaun. Maibe nia konsiente, Dangdut Academy Asia 4 mak kompetisaun ida nebe mak sei akontese manan no lakon.

“Elimina nee la problema, importante mak hau esforsu makaas ona. Sa tan hau foin mak aprende Dangdut durante iha karantina, hau kontente tanba iha siensia dangdut barak mak hau aprende,” Hateten Liticia.

Ho eliminasaun nee, Timor Leste sei falta konkorrente ida mak hanesan Denilson Junior. Kompetisaun tuir mai nia sei kompete ho Arif Indonesia no Zam Ryzam hosi Malayzia iha Grupu 4 Top 15.

HALLO.TL

HUSIK RESPOSTA