Liurai Salman nia Oan feto sei halao Julgamentu iha Tribunal Franca

0
49

Oan feto husi Liurai Saudi Arabia Salman bin Abdulaziz al-Saud, prinseza Hassa Binti salman, sei lori ba julga iha tribunal iha Franca iha fulan Juli tuir mai. Nia hetan akuzasaun haruka nia seguransa hodi halo tortura hasoru traballador ida iha Franca.

Julgamentu sei halo iha loron 9 fulan Juli tuir mai. Maibe, Prinseza Hassa estima sei la marka prezensa iha julgamentu ne’e.

Relata husi  AFP, kazu ne’ebe kona prinseza Hassa komesa husi deskonfia ataka ne’ebe akontese iha nia apartamentu iha Avenue Foch, Paris, iha setembru 2016 liu ba.

Alegadamente, vitima dezigna atu hadia estragus balun iha apartamentu prinseza Hassa nian.

Maibe, prinseza Hassa nervozu wainhira hatene katak vitima koko hasai nia foto. Nia akuza vitima sei fa’an foto ne’e ba media. Nia mos husu ba nia seguransa hodi baku vitima ne’e.

Revista Le Point fo sai katak Prinseza konsege hasai liafuan kroat. “Oho nia. Nia la serve atu moris,” prinseza hakilar.

Vitima hetan baku iha oin ho pozisaun liman rua ne’ebe kesi metin hela. Vitima mos hetan obrigasaun hodi rei fila-fila prinseza Hassa nia ain durante oras hira nia laran.

Tamba insidenti ida ne’e, vitima hetan kanek todan no hetan lisensa hodi la servisu semana hirak nia laran.

Enkuantu prosesu lao hela, akuzasaun ba uluk ona nia seguransa. Iha Outubru 2016, nia julga ba kazu violensia, naok, no ameasa.

Fontes : CNN Indonesia

Tr. : Hallo.tl

LEAVE A REPLY