Lorico Adventure Hala’o Tour “Dalan ba Memoria”

0
163
Lorico Adventure hala’o tour hal’eu teritoriu nasional.
   Lorico Adventure selebra loron Masakre Santa Krus ba dala-28 (12 Novembru 1991- 12 Novembru 2019), liuhosi tour “Dalan ba Memoria” hosi hale’u munisipiu 12 inklui Rejiaun Administrativu Espesial Oe-Cusse Ambeno.
   Tour ne’e hahu iha loron 01 Novembru ne’ebe dezloka dahuluk ba RAEOA no termina ohin iha munisipiu Aileu hodi fila mai Dili. Iha tour ne’e grupu Lorico Adventure utiliza motor crosser akompaña dada ho bandeira nasional RDTL no bandeira Komite 12 Novembru (K12N) tara iha motor lolon.
   Ba ajensia TATOLI, ohin, iha Semeteriu Santa Krus, Koordenador Lorico Adventure hanesan mos sobrevivente Masakre Santa Krus, 12 Novembru 1991, Nelson Turkel hatete, tour ne’e atu habelar nafatin istoria 12 Novembru 1991 ba fatin hotu, liu-liu iha area rural ba foin sae sira hodi kontinua hatene valor istoria luta nian.
   “Programa ne’e ami hala’o hahu iha tinan kotuk no tinan ne’e husi inisiativa ami nia rasik,” informa Nelson Turkel. Tour ne’e prienxe ho atividade loke filme akontesimentu 12 Novembru 1991 no prienxe ho reflesaun ho joven sira ha kada munisipiu. Nune’e mos ekipa Lorico Adventure hala’o vizita ba mate restu 12 novembru nia rate ne’ebe iha munisipiu hodi presta omenajen.
   Programa ne’e inisiativa mai husi ekipa Lorico Adventure sira rasik la hetan apoiu orsamentu lojistika ruma husi governu, maibe utiliza rasik rekursu ne’ebe sira iha hodi kontribui ba eventu nasional no istoriku Timor nian.
           
Fontes: Tatoli.tl
     
Tr.: Hallo.tl

HUSIK RESPOSTA