Media Afirma CR7 Selu Kompensasaun Dollar Rihun $375 hodi Rezolve Kazu Violasaun Seksual

0
438

Cristiano Ronaldo hetan deskonfia seriu hosi media Alemanha; Der Spiegel, Temi katak, Ronaldo halo violasaun seksual ho feto Las Vegas iha tinan 2009 liu ba.

Kazu ne’e akontese iha loron 13 fulan Jullu 2009, iha momentu ne’eba vitima maizumenus tinan 25. Karik ne’e loos, kazu ne’e akontese bainhira Cristiano Ronaldo mai tama Real Madrid foin fulan ida.

Atu hasees aan hosi problema ne’e, Ronaldo tenke selu kompensasaun ba vitima.

Iha dokumentu ho naruk pajina 6, feto ne’e deklara detallu violasaun seksual ho versaun ninian rasik no mos konsikuensia ne’ebe nia sofre ba.

Dokumentu ne’e lee hosi Cristiano Ronaldo nia advogado, Carlos Osorio de Castro iha mediasaun Nevada loron 12 fulan Janeiru 2010.

Parte rua ikus mai iha konkordansia ba malu. Parte Ronaldo sei selu osan kompensasaun hamutuk dollar rihun $375 no ba vitima mos sei labele habelar tan informasaun ba publiku.

Karta akordu ne’ebe mak hakerek iha pajina 3 ne’e, Ronaldo no vitima asina kedas hanesan sinal. Ronaldo sai Mr. D no vitima sai Ms. C.

Bainhira kontaktu ba Der Spiegel, De Castro rejeita hodi fo komentariu kona ba kliente nia kazu. Der Spiegel kontaktu tan fali advogado Alemanha, Johannes Keiler hodi hapara atu labele habelar tan kazu Ronaldo ne’e. Na realidade Keiler mos advogadu ne’ebe reprezenta Ronaldo iha Alemanha.

Keiler fo atensaun forte ba Der Spiegel. “Kazu deskonfia violasaun seksual Cristiano Ronaldo ne’ebe imi deklara ba publiku ami sei nega. No ami mos sei foti asaun ba kazu deskonfia balun ne’ebe konsidera laloos no ikus mai fo impaktu ba direitu privadu ami nia kliente.” hateten Keiler.

Iha fulan Outobru 2005, Ronaldo hanesan jogador Manchester United no konsege hetan verifikasaun hosi polisia tanba deskonfia kazu violasaun seksual. Feto nain rua admite katak hetan violasaun seksual hosi Cristiano Ronaldo iha otel Sanderson, London.

SOURCE: THE IRISH TIMES

HUSIK RESPOSTA