MEJD Inagura Laboratorium Siensia Matematika

0
268
Math lab and school class. Science, education, mathematics scene with miniature people, students. Isometric vector concept design

DILI-Ministeriu Edukasaun Joventude no Desportu (MEJD), inagura sala laboratorium siensia matematika iha Ensinu Baziku Central (EBC), Fatumeta Dili.

Tuir  Vise Ministru Edukasaun Joventude no Desportu (MEJD), Joao Zacarias, hatete, ohin seremonia inagurasaun ba sala siensia matematika, apoiu inan aman estudante sira nian, hanesan fora husi regas ou kriteriu neebe mak iha, tanba sira fo ho fuan no domin.

“Hau hetan konvite ida husi EBC Fatumeta, tanba nee ohin loron seremonia inagurasaun  ba sira nian edifisiu, neebe mak hetan kontinuasaun apoiu husi inan aman estudante sira, tanba nee, ohin ita hamutuk ho professor, estudantes sira, mezmu hau bele dehan katak, kondisoins nee minimu, maibe ho buat neebe mak iha, tulun husi inan aman sira, bele iha apoiu responsabilidade, mezmu osan nee uituan, maibe hanesan buat ida, atu bele enkoraza ita, hatudu ita nian responsabilidade,”dehan vise MEJD Joao Zacarias ba jornalista iha EBC Fatumeta Dili Sesta (22/03/2019).

Iha fatin hanesan, Direitora Ensinu Baziku Central (EBC), Fatumeta, Fernanda Caldeira Belo, hatete, hari edifisiu ida nee, ho total orsamentu hamutuk diza oetu mil e tal, nee inisiativa husi eskola rasik, neebe servisu hamutuk ho inan aman estudante sira.

FONTES : STL Online

HUSIK RESPOSTA