MEJD Seidauk Mapamento Hodi Koloka Lolos Professores Iha Eskola

0
419
DG Pires hateten dadaun ne’e ministerio halo hela mapamento pesoal nune’e hodi halo rekolokasaun ba professores ba iha eskola hotu no mos bele substitui professores balun ne’ebe tama ona idade reforma.

Ministerio Edukasaun Joventude no Desporto (MEJD) dehan katak to’o agora seidauk iha mapamento adekuadu hodi koloka lolos professores iha eskola sira tanba ne’e mak eskola balun sei menus professores hodi hanorin disiplina sira.

“Ita hare husi numeros deit halo rasio ba alunos to’o hela maibe nia kolokasaun seidauk los tanba ministerio seidauk iha mapamento hodi koloka professor sira ba fatin hotu,” Diretor Jeral MEJD, Antoninho Pires hateten. Maske nune’e, DG Pires hateten dadaun ne’e ministerio halo hela mapamento pesoal nune’e hodi halo rekolokasaun ba professores ba iha eskola hotu no mos bele substitui professores balun ne’ebe tama ona idade reforma.

Nia dehan, total professores hahu husi ensino baziku to’o sekundario iha ona professores nain 14,800 resin ne’ebe mak dadaun ne’e halo hela servisu iha eskola. Nia dehan, kolokasaun seidauk los tanba iha eskola barun professor barak liu, maibe estudante naton deit, iha eskola seluk fali professor menus maibe estudante barak liu. “Tanba ne’e mak dadaun ne’e ami halo hela mapamento nune’e bele rekoloka fali professor sira ba iha eskola sira ne’ebe mak sei menus professor.

Ita hein katak fulan rua mai tan mapamento ne’e remata nune’e bele rekoloka fali,” nia dehan. Iha fatin hanesan, Diretor Edukasaun Munisipio Viqueque Emidio Alves hateten, professor ne’ebe mak oras ne’e hanorin iha eskola iha Viqueque sufisiente hodi transforma estudante sira. “Ami la menus professores tanba total professores iha Munisipio Viqueque hamutuk 1,000 resin, funsionario publiku iha 922 no kontratado 200 ital,” nia dehan.

Fontes: The Dili Weekly

Tr.: Hallo.tl

 

HUSIK RESPOSTA