MOP Sai Observador Iha Konferensia CoST Dubai

0
220
Diretor Nasional Aprovizionamentu MOP Timor-Leste, Quintiliano Belo no Assistente CoST Timor-Leste, Andreas Tani, partisipa konférensia CoST iha Dubai.
                 
     Ministériu Obra Públika (MOP) Timor-Leste sai observadór iha konférensia CoST Infraestrutura Transparensia Initiativu iha Dubai. Reprezenta Ministru Obra Públika, Diretór Nasionάl Aprovizionamentu Quintiliano Afonso Belo, via media sosiάl ba Tatoli katak partisipa seminάriu ne’e, nu’udar oportunidade osan-mean hodi promove Timor-Leste nia tansparénsia no akuntablidade prosesu sira aprovizionamentu infraestrutura sira liuhusi Construction Sector Transparency (CoST) internasionάl.
   Quintiliano Afonso Belo dehan CoST internasional nu’udar organizasaun internasional ne’ebe harii husi multi parseira internasional atu atinje meta importante sira hanesan, transparénsia públika no akuntablidade finansa publika iha setór infraestrutura, inklui mos asegura kualkér tanzasaun infraestrutura ba konsumidor publika sira hahu husi siklu preparasaun ba konkursu publika projetu konstrusaun, prosesu implementasaun no konklui projetu.
   Iha konferensia ne’e mos, Timor-Leste aprende no manan koñesimentu barak kona-ba lala’ok CoST nian husi Rejiaun Amérika Latina, Rejiaun Afrika no Rejiaun Azia no Europa kona-ba sira nia forsa no frakeza, bainhira implementa CoST iha sira nia rain, inklui solusaun di’ak hodi haforte no elimina frakeza sira ne’ebe mosu durante implementasaun CoST.
   Aleinde ne’e, Timor-Leste mos hetan oportunidade hodi fahe esperiensia balun ne’ebe MOP implementa daudauk hodi promove transparensia no akuntablidade finansa iha area infraestrutura tuir politika no orientasaun husi Ministru Obra Públika Salvador Eugenio Soares dos Reis Pires.
   Diretor ne’e afirma, MOP Timor-Leste nian prontidaun ba iha membru CoST ne’ebe mai husi Rejiaun Amerika Latina, Afrika, Azia no Europa nia oin katak, promove transparensia no akuntablidade area infraestrutua Timor-Leste regional no internasionalmente nu’udar ajenda ensesial iha politika Governu nian, nune’e mak kualker dadus ne’ebe Diresaun Nasional Arovizionamentu iha sei publika iha plataforma tranparensia nian ne’ebe CoST prepata tiha ona.
    Koferensia ne’e halo’o iha Dubai Uni Emirat Arab durante loron 19-20 novembru 2019 no hetan suporta Governu Inglaterra, UNDP no mos CoST rasik. Iha konferensia refere MOP Timor-Leste sai nu’udar observador ne’ebe atende husi Diretor Nasional Aprovizionamentu, Quintiliano Belo no Assistente CoST Timor-Leste Andreas Tani, antes ofisialmente sai membru ba organizasaun CoST rejiaun Azia-Europa ne’ebe sei lansa iha fin de Janeiru 2020.
  Entretantu, politika VIII Governu ne’ebe aprovadu iha Parlamentu Nasional katak, boa governasaun no transparensia nu’udar programa proritariu ne’ebe MOP, Salvador Eugenio Soares dos Reis Pires komprometidu atu promove prosesu aprovizionamentu kona-ba infraestrutura hotu-hotu ne’ebe MOP mak nu’udar nain ba projetu hirak ne’e.
   Tanba ne’e, Ministru Salvador hamutuk ho tekniku sira halo esforsu tomak hodi bele realiza meta programa Governu Daualuk nian, liuhusi envolve ativamente iha forum internasional hanesan CoST ne’ebe foka liu ba transparensia no akuntablidade projetu infraestrutura ba publika.
Fontes: Tatoli.tl
 

HUSIK RESPOSTA