Mosambike/Siklone: Banku Mundial anunsia apoiu dolar millaun 545 ba nasaun tolu

0
159
Alguns bairros de Pemba, capital provincial de Cabo Delgado, Norte de Moçambique, estão inundados devido à chuva forte que cai desde a madrugada, três dias depois do ciclone Kenneth atingir a região. O ciclone Kenneth dissipou-se no sábado, mas a depressão atmosférica que gerou tem continuado a provocar chuva com intensidade em diversas zonas das províncias de Cabo Delgado e Nampula. Pemba, 28 de abril de 2018. ( ACOMPANHA TEXTO). ANTÓNIO SILVA/LUSA

Mosambike sei simu dolar millaun 350 hosi millaun 545 ne’ebé maka Banku Mundial disponibiliza ona hodi tulun populasaun sira ne’ebé afetadu ho siklone Idai iha nasaun luzófonu ne’e, iha Maláui ho Zimbabué, anunsia hosi instituisaun iha loron-sesta ne’e. 

Banku Mundial ativa ona Janela hosi Resposta ba Krizi sira hosi Asosiasaun Internasional ba Dezenvolvimentu nian no haruka ona dolar millaun 545 hodi hatán ba nesesidade sira hosi populasaun sira hosi nasaun tolu, kuantidade ne’ebé tau hamutuk ho dolar millaun 150 ne’ebé haruka antes ona ba projetu sira seluk.

Instituisaun anunsia mós liuhosi komunikadu ida ne’ebé fó sai iha loron-sesta katak “serbisu hela” ho Mosambike ho Komoro hodi avalia nesesidade sira ho korespondente sira hodi hatán ba situasaun emerjénsia ne’ebé maka mosu tanba pasajen hosi siklone Kenneth foin lalais iha nasaun rua, iha loron 24 Abril liubá, ne’ebé afeta ona, iha de’it Norte Mosambike nian, ema na’in 227.000 resin, haktuir hosi informasaun ikus ne’ebé maka fó sai hosi autoridade sira nasaun nian.

Pasajen hosi siklone Idai iha fulan-Marsu “halo ona estraga maka’as” ne’ebé “afeta ona ema millaun resin, no trajédia ne’e aumenta ho siklone Kenneth”, afirma hosi Prezidente Banku Mundial nian, David Malpass, ne’ebé foin lalais ne’e vizita Mosambike, haktuir hosi komunikadu.

Banku Mundial anunsia mós katak serbisu “hamutuk” ho nia parseiru sira hodi “ajuda populasaun hodi rekupera hosi tempestade aat sira ne’e”, nune’e mós hodi apoia esforsu sira hosi “rekonstrusaun forte liu”, no hadi’a “reziliénsia hosi nasaun sira ne’e” hasoru ameasa natural sira.

Dolar millaun 350 ne’ebé destina ba Mosambike sei hatán liuliu ba nesesidade hosi rekonstrusaun ba infraestrutura públiku sira, sementeira sira, prevensa ba moras sira, seguransa hahán nian, protesaun sosial ho sistema sira alerta antesipadu iha komunidade sira ne’ebé afetadu, haktuir hosi komunikadu.

Maláui sei simu dolar millaun 120 hodi estabelese fali estrutura agríkola ho sementeira sira, nune’e mós hodi harii fali infraestrutura prioritáriu sira no ba apoiu sanitáriu sira.

Ikusmai, instituisaun sei hili ajénsia oioin ONU nian hodi haruka osan dolar millaun 75 hodi apoia populasaun hosi nasaun ne’e no halo intervensaun iha komunidade sira ne’ebé afetadu.

Siklone Idai halo ona ema na’in 603 mate iha Mosambike, na’in 344 iha Zimbabué ho na’in 56 iha Maláui.

Fontes : SAPO NOTISIA

LEAVE A REPLY