MOSAN LORI BIBAN FOUN NEGÓSIU NIAN BA FOINSA’E TIMOR OAN SIRA

0
128
Mosan nia prezensa iha Timor-Leste susesu ona hodi fó biban foun negósiu nian ba timor oan sira, liuliu foinsa’e sira tanba kuaze 40% husi ajente Mosan iha teritóriu Timor laran tomak nu’udar estudante ho rendimentu mensál médiu husi tranzasaun iha Mosan to’o $100 kada fulan.
       
  Dili – Daudaun ne’e timoroan sira uza Mosan ba objetivu barak hanesan transferénsia osan, rai osan, sosa pulsa telemor nian no seluk tan. Mosan halo tranzasaun finanseiru sai fasil, konveniente no bele asesivel liu tanba ajente Mosan barak mak eziste iha distritu sanulu resin tolu tomak.
 Aleinde ne’e, Mosan nia prezensa mós konsidera nu’udar oportunidade negósiu foun ida no sai hanesan instrumentu ba foinsa’e sira liuliu estudante sira. Mosan fó ona benefísiu direta ba foinsa’e sira ka estudante sira ne’ebé mak uza vantajen Mosan nian hodi sai ajente Mosan atu halo negósiu uza Mosan hanesan transfere osan, no fa’an pulsa Telemor nian ne’ebé mak iha benefísiu boot ba sira-nia rendimentu mensál.
 Iha ami-nia dada lia ho estudante Nazaria ne’ebé mak sai mós hanesan ajente Mosan nian hateten, “ Ha’u sente haksolok tebetebes ho Mosan tanba ha’u hetan vantajen husi ne’e. Ha’u uza ona Mosan atu halo negósiu ki’ik iha telemovel hanesan fa’an pulsa Telemor no transfere osan ba kliente sira ne’ebé mak presiza tebes atu manda osan ba sira-nia família ho urjente. To’o agora Ha’u sai ajente Mosan tama ona fulan ualu, no ha’u bele hetan $5 ba ha’u-nia rendimentu kada loron.”
 Iha sorin seluk, estudante seluk ho naran Suzana nu’udar mós ajente Mosan nian hateten, “Ba ha’u, Mosan ne’e kria serbisu ba ema tanba ha’u hanesan ema estudante ida, ha’u tuir loos laiha tempu atu hetan serbisu iha organizasaun ruma ho permanente, tanba ne’e ha’u susar tebes atu hetan osan. Maibé, Mosan sai ona alternativu ida ba ha’u hodi hetan osan tanba Ha’u sai ona ajente Mosan nian no agora ha’u hetan osan bainhira halo transferénsia osan ba ema no fa’an pulsa Telemor nian iha de’it telemovel. Ha’u hakarak ko’alia ho onestidade katak, ha’u sente agradesidu ho Mosan nia prezensa iha Timor-Leste.”
 Aleinde sai hanesan instrumentu hodi halo negósiu ki’ik, Mosan mós iha promosaun espesiál ba estudante sira. Bainhira estudante ruma sai hanesan ajente Mosan nian, sira bele hetan benefísiu sira hanesan enxe pulsa hetan bonus 300%, hetan bonus 8.5% ba karregamentu ba ema seluk no hetan sentavu sanulu ba rejista konta Mosan ba kliente foun Mosan nian.
 Oras ne’e, kuaze estudante sira uza ona Mosan ho hanoin ida atu bele fasilita sira hodi haruka sira-nia inan aman manda osan ba sira fasil no lais tanba transferénsia osan uza Mosan fasil no lais liu kompara ho maneira tradisionál sira no sira balu mós sai ona ajente Mosan nian hodi bele hetan rendimentu liuhusi Mosan atu ajuda sira-nia inan aman hodi sustenta sira-nia moris rasik.
       
Fontes: Hallo Team
 

HUSIK RESPOSTA