Nova Zelándia rekupera arma ilegal besik 2.500 hafoin atentadu sira iha Chirstchurch

Polísia Nova Zelándia nian anunsia iha loron-domingu rekuperasaun ba arma ilegal besik 2.500 resin ho baze iha programa governamental ida ne'ebé aprova ona hafoin atentadu supremasista ne'ebé akontese iha fulan-Marsu iha Chirstchurch ne'ebé halo ema na'in 51 mate.

0
414
The New Zealand national flag is flown at half-mast on a Parliament building in Wellington on March 15, 2019, after a shooting incident in Christchurch. - Attacks on two Christchurch mosques left at least 49 dead on March 15, with one gunman -- identified as an Australian extremist -- apparently livestreaming the assault that triggered the lockdown of the New Zealand city. (Photo by Marty MELVILLE / AFP)

Programa hosi Governu neozelandés, ne’ebé hahú hala’o iha semana ne’e, konsiste iha entrega voluntáriu hosi arma sira ho asesóriu sira ne’ebé laiha rejistu, no proprietáriu sira simu kompensasaun monetáriu ida bainhira adere ba planu.

Entre loron-sesta ho loron-sábadu, proprietáriu hamutuk 1.617 resin komparese iha pontu sira entrega sertifikadu sira iha fatin oioin iha nasaun, haktuir hosi komunikadu ida hosi polísia neozelandeza.

Iha loron tolu ikus ne’e, autoridade sira rekupera ona arma ilegal sira hamutuk 2.491 no sasán ho asesóriu sira hamutuk 6.595 iha total hosi reembolsu sira ho folin euro millaun 2,7.

Arma sira ne’ebé rekuperadu sei tau hamutuk ho arma rihun resin ne’ebé maka entrega voluntáriu ka hetan prende iha fulan-Juñu liubá.

Parlamentu neozelandés aprova ona iha fulan-Abril medida todan sira relasionadu pose arma semiautomátiku sira, hodi hatán ba atake sira ne’ebé atribui ba supremasista australianu ida hasoru meskita rua iha Chirstchurch, sidade boot datoluk iha nasaun ne’e.

Inisiativa inklui bandu ba arma semiautomátiku sira ho sasán sira, kilat-musan sira ne’ebé bele uza hodi modifika arma sira ho transforma ba semiautomátiku sira.

Medida sira ne’ebé halo inklui mós kilat sira ho kapasidade ba kilat sira ne’ebé bele tau liu kilat-musan lima.

Suspeitu prinsipal hosi atake, australianu ida ho tinan 28, akuzadu ona ba terorizmu, krimi homisídiu hamutuk 51 no tentativa oho hamutuk 40.

Atakante transmiti iha diretu iha Internet durante minutu 17 resin bainhira hahú tiru iha meskita ida nia laran.

Nia publika mós, liuhosi rede sosial sira, manifestu anti-imigrante ida ho pájina hamutuk 74, ne’ebé hakarak justifika nia asaun sira.

Australianu ne’e laiha antesedente kriminal sira no hetan ona lisensa ba arma sira iha fulan-Novembru 2017, kumpri rekizitu legal sira.

Fontes : Sapo.tl

HUSIK RESPOSTA