Numeru Kliente Uza “Sim Card” Ativu Iha TL Hamutuk 1.442,497

0
149
Kliente hosi operador telekomunikasaun hanesan Timor Telecom, Telemor no Telkomcel iha Timor Leste (TL) ne’ebe uza sim card ka kartaun ba numeru kontaktu telemovel ativu hamutuk 1,442,497
         
  “Iha 30 Setembru 2019, operador tolu hanesan Timor Telecom, Telemor no Telkomcel nia total kliente ne’ebe ativu, bazeia ba dadus atualizadu ne’ebe ANC iha hamutuk 1,442,497”, relata Prezidente Autoridade Nasional Komunikasaun (ANC) João Olivio Freitas ba ajensia Tatoli iha nia kna’ar fatin kaikoli, ohin.
   Nia informa servisu rejistrasaun no re rejistrasaun kartaun sim ba servisu telemovel remata ona iha 31 Marsu 2019 ho total kliente rejistradu 1,187,219, total kliente barradu (blokeadu) hamutuk 143,617.
   Hodi haktuir rejistrasaun ba kliente sira hahu hosi 01 Abril 2019, nune’e konsumidor sira ne’ebe la kumpre rekizitu rejistrasaun maka hosi ANC hasai hotu ka kliente sira ne’ebe rejistu la ho kartaun identifikasaun.
      Bazeia ba regulamentu rejistrasaun no re rejistrasaun sim card ba servisu telemovel ne’ebe ANC hato’o ona ba operador sira telekomunikasaun hotu katak operador ida-idak iha dever no resposabilidade atu kria plataforma ida hodi trata rejistrasaun sim card no konsumidor ka kliente hirak ne’ebe maka utiliza kartaun sim refere.
   “Bainhira operador ida fa’an nia kartaun sim, liuhosi ajensia ka individuu sira hodi fa’an iha dalan ninin, operador refere tenke asegura katak plataforma ida iha ona fatin atu asegura maka tenke fa’an iha operador nia fatin, maibe kuandu la kumpre mak sei la halo ativasaun”, katak.
       
Fontes: Tatoli.tl
                 
Tr.: Hallo.tl
 

HUSIK RESPOSTA