Omisidiu parseiru turista : Joven mane nain 2 identifika hanesan suspeitu

Joven Canada nain rua ne'ebe akuza hala'i hela, agora sai suspeitu prinsipiu ba asasinadu dobru parseiru.

0
88

Van kempin ida ahi han, nain mak kolega diak nain rua – Kam McLeod, 19, no Bryer Schmegelsky, 18 – hetan iha sexta iha dalan bo’ot iha British Columbia norte.

Loron hira antes, turista nain rua hetan ho kondisaun mate ho distansia 500 km (310 mil).

Polisia hatete, McLeod no Schmegelsky dezde ne’eba sai husi provinsia no agora sai hanesan suspeitu.

Sira nain rua antes ne’e deskreve hanesan ema ne’ebe lakon, ho implikasaun katak sira mos karik sai hanesan vitima husi asasinu.

Mate isin datoluk ne’ebe dezkonesidu hetan besik iha van joven ne’e ahi han.

Iha notisia ida ne’ebe fo sai iha Tersa, Royal Canadian Mounted Police (RCMP) hatete: “dezenvolvimentu ikus ne’e Kam no Bryer la konsidera ona hanesan ema ne’ebe lakon. RCMP konsidera Kam McLeod no Bryer Schmegelsky hanesan suspeitu ba investigasaun mate iha lagoa Dease ne’ebe deskonfiadu no asasinu dobru husi Lucas Fowler no Chynna  Deese.”

Se mak mate?

Australianu Lucas Fowler, 23, no Amerikana Chynna Deese, 24 iha hela dalan semana rua iha Canada, ne’ebe Lucas Fowler servisu ba.

_107978434_fowler-deese2

Parseiru ne’e mate iha dalan ninin Alaska 20 km (12 mil) parte sul husi Liard Hot Springs – fatin turismu ne’ebe popular.

Polisia fiar katak sira mate iha tersa kalan 14 jullu.

Sira nia minivan Chevrolet azul tinan 1986 hetan besik iha sira nia mate isin, no testamuna hatete ba media katak sira antes ne’e hare’e parseiru ne’e iha dalan ninin bainhira sira nia kareta van ne’e mate iha dalan.

Saida mak ita hatene kona ba suspeitu sira ne’e?

McLeod no Schmegelsky iha dalan ba teritoriu Yukon ba servisu semana kotuk no seidauk halo kontaktu ho familia dezde ne’eba.

Polisia hatete sira lori Toyota Rav 4 2011 kor sinzentu liu husi Saskatchewan norte.

Sira lahatene sira nia destinasaun no fo hanoin ona ba publiku katak sira “konsidera perigozu” no labele besik.

No mate isin Datoluk?

Mate isin ne’ebe ahi han la dok husi Kam McLeod no Bryer Schmegelsky nia van. Seidauk identifika maibe polisia fiar katak nia ema ida ne’ebe ho idade 50 ka 60 ba leten.

“Ida ne’e la klaru, to’o agora oinsa mak mane ida mate ne’e bele konekta ho transporte ne’ebe ahi han ka mane nain rua ne’ebe lakon.” hatete polisia iha deklarasaun ida.

Fontes : BBC News

Tr. : Hallo.tl

HUSIK RESPOSTA