ONU alerta katak EUA nia kastigu sira ba jeneral sira Myanmar nian la sufisiente

Reprezentante hosi ONU ba Direitu Ema nian iha Myanmar (antigu Birmánia) alerta iha loron-kinta ne'e katak kastigu sira ne'ebé EUA fó ba jeneral na'in haat hosi nasaun ne'e la hanesan sufisiente hasoru oho ema barak hosi musulmanu Rohingya.

0
61
epa06205834 Indonesian Muslim activists hold placards showing Myanmar nationalist Buddhist monk Ashin Wirathu (L) during a protest against the persecution of the Rohingya minority, outside of the Myanmar Embassy in Jakarta, Indonesia, 15 September 2017. According to United Nations more than 300 thousand Rohingya refugees have fled Myanmar from violence over the last few weeks, most trying to cross the border and reach Bangladesh. International organizations have reported claims of human rights violations and summary executions allegedly carried out by the Myanmar army. EPA/MAST IRHAM

Washington bandu ona, iha loron-kuarta, xefe Ezérsitu birmanés ho responsável militar na’in tolu seluk hodi tama iha nasaun, hodi konsidera sira hanesan responsável sira ba “violasaun sira direitu ema sira nian iha massa” tanba sekuénsia hosi “limpeza étnika” hosi rohingya iha estadu Rakhine, iha oeste Myanmar nian.

Relatora ONU nian ba Direitu Ema nian iha Myanmar, Yanghee Lee, konsidera katak medida ne’ebé EUA halo hanesan la adekuadu no sasán sira ho propriedade sira hosi ema sira ne’e tuir loloos tenki prende.

Nia defende mós aumentu hosi kastigu sira ba jeneral na’in rua seluk ne’ebé antes identifika ona hosi ekipa investigasaun ida ONU nian.

Lee hahú iha loron 08 Jullu vizita ida ba Tailándia ho Malázia, la konsege vizita Myanmar tanba Governu birmanés bandu nia entrada iha nasaun, no afirma ona katak violasaun hosi direitu ema nian iha antigu Birmánia iha impaktu “klaru” iha nasaun sira hosi Súl ho Sudeste hosi kontinente aziátiku, ne’ebé hanesan fatin ba refujiadu birmanés hamutuk millaun 1,5 resin.

Reprezentante ONU husu ba nasaun sira hosi zona hodi rekoñese “gravidade” hosi krizi, ne’ebé inklui “tráfiku ema sira nian hosi Myanmar” no “fluksu narkótiku sira iha rejiaun nia laran no iha liur”.

Relatora konklui iha loron-kinta ne’e nia viajen ofisial ho konferénsia imprensa ida iha Kuala Lumpur no rekorda ona aumentu hosi tensaun entre Ezérsitu birmanés ho guerrilla hosi Ezérsitu Arakán, iha estadu Rakhine, ne’ebé autoridade sira hala’o ona blokeiu ida ba Internet.

“Governu hala’o ona blokeiu ida ba Internet hodi hamosu tan estraga sira ba populasaun?”, Lee kestiona no subliña mós susar hosi asesu ba fonte sira iha rai laran.

Ema barak ne’ebé maka hetan investigasaun tanba sira nia relasaun ho guerrilla mate iha sirkunstánsia ne’ebé deskonfiadu bainhira ema kaer sira.

Tátika hosi vingansa sira kontra populasaun sivil hanesan akuzasaun ida ne’ebé akontese beibeik hasoru militar birmanés sira, ne’ebé iha istorial boot ida ba abuzu sira kontra minoria étniku no ne’ebé mantén influénsia boot iha Governu, liuhosi Ministériu Interior, Fronteira ho Defeza.

Lee denunsia “interferénsia” sira durante nia vizita iha Tailándia, tanba tenki muda nia ajenda ne’ebé programadu maibé la adianta detalle sira kona-ba akontesimentu.

“Ha’u preokupa tebes tanba karik Myanmar aumenta ona nia presaun no durante sira nia esforsu hodi evita eleisaun sira, to’o ko’alia ona nasaun viziñu sira”, hatete hosi reprezentante espesial ONU nian bainhira hanoin hikas ezemplu hosi estradisaun, hahú hosi Singapura, birmanés na’in neen ne’ebé deskonfia iha ligasaun ho Ezérsitu Arakán.

Estadu hosi Rakhine atrai ona atensaun mundu tomak nian tanba operasaun militar ne’ebé hahú iha tinan 2017 kontra populasaun Rohingya, ne’ebé halo membru hamutuk 730.000 resin hosi minoria musulmanu halai ba Bangladexe, situasaun ne’ebé Lee kualifika hanesan “limpeza étinika ho marka jenosídiu nian”.

Kampaña hosi represaun hosi Ezérsitu Myanmar nian hasoru minoria musulmanu, ne’ebé ONU hatete hanesan limpeza étnika no posível jenosídiu, inklui oho ema millaun resin, violasaun ba feto sira ho labarik sira no destruisaun ba aldeia oioin.

Myanmar, maioria budista, la rekoñese minoria ne’e no obriga bandu oioin ba ema rohingya sira, liuliu bandu ba liberdade movimentu nian.

Dezde hasai tiha nasionalidade birmaneza ba sira iha tinan 1982, ema rohingya sira hetan beibeik bandu: labele halo viajen ka kaben lahó autorizasaun, laiha asesu hodi hetan serbisu no laiha asesu ba serbisu públiku sira (eskola sira ho hospital sira).

Iha loron 26 Juñu, prokuradora-jeral hosi Tribunal Penal Internasional, Fatou Bensoud, anunsia katak hakarak investiga emigrasaun boot hosi minoria musulmanu rohingya ba Bangladexe.

Fontes : Sapo.tl

HUSIK RESPOSTA