Parlamentu Hato’o Parabens Ba Povu

0
239

DILI, (TATOLI) – Prezidente Parlamentu Nasionál, Arão Nõe de Jesus, hodi Parlamentu Nasionál hato’o parabens ba povu no veteranu sira relasiona ho komemorasaun loron konsulta populár 30 agostu 1999 ba dala 19, aban.

ʺHa’u hato’o hau nia parabens ba povu tomak, liuliu sira ne’ebé iha 1999, risku tomak maibe hakat neneik to’o iha sentru votasaun hodi ezerse diretu vota hodi determina ita nia independensiaʺ, hateten PPN iha parlamentu, ohin.

Atu atinje objetivu ba moris di’ak, Prezidente PN husu kontribuisaun povu hodi garante pás no hakmatek hodi dudu dezenvolvimentu.

ʺMai ita kontribui ba dezenvolvimentu rai ida ne’e liuhosi kria estabilidade, kria intendementu polítiku, nune’e dezenvolvimentu ida ne’e bele la’o nafatin tuir sistema demokrátikuʺ, apela.

Tuir deputadu partidu CNRT ne’e ferias nasionál aban nu’udar dignifikasaun no valorizasaun ba loron istóriku.

Fontes : tatoli iha timor agora

HUSIK RESPOSTA