Planu MESSK Dezenvolve Institutu Politeknik

0
82

DILI – Ministeriu  Ensinu Superior  Siensia no Kultura  (MESSK), iha planu sei dezenvolve institute politekniku iha  Munisipiu Lospalos, Manatuto, no sidade  universitariu Aileu.

Kestaun nee hatoo husi Ministru Ensinu Superior  Siensia no Kultura (MESSK), Longuinhos dos Santos, hatete, oetavu governu liu husi MESSK, iha planu atu dezenvolve institute politekniku Lospalos, Manatuto, no IPB agora lao dadaun lao ona,  tuir mai atu dezenvolve  sidade Universitariu Aileu.

“MESSK  iha nian programa ida katak, atu bele fo oportunidade Timor oan hotu tomak, neebe atu bele asesu ba ensinu superior publiku, tanba nee, oetavu governu liu husi MESSK, iha planu ida atu dezenvolve institute politekniku Lospalos, Manatuto, no IPB agora lao dadaun, tuir mai atu dezenvolve mos sidade Universitariu Aileu, nunee  atu bele halo desentralizasaun ba Timor oan sira neebe mak hakarak  asesu iha ensinu superior publiku,”dehan MESSK  Longuinhos ba jornalista  iha nia knar fatin  MESSK  Colmera  Dili Kuarta (19/02/2019).

Iha parte seluk, Reitor Universidade Dili, Jose Belo,  hatete, laos hari deit  institute hirak nee, depois atu halo saida, maibe tenke iha planu neebe diak, se naran halo deit, no universidade ida-idak halo ninia programa, tuir sira  ida-idak nian gostu, nee  ba oin sei la bele halo kontrola.

Nia hatete, barak liu loke, laiha rekursu neebe atu bele hanorin, maibe ideia  atu loke institute sira nee diak, maibe loke deit husik hela, depois tinan lima mai, ministru ida seluk mai, ho ninia politika oin seluk, atu taka ou kontinua loke nafatin.

Fontes: STL Online

HUSIK RESPOSTA