Prediksaun Iran vs Portugal : Ronaldo mak sai determinante nafatin

0
512

Jogu ikus sei halao Iran vs Portugal. Haree fali ba jogu ne’ebe liu ona, Cristiano Ronaldo sai nudar determinante iha rezultadu ikus.

Jogu entre Iran vs Portugal sei halao iha estadiu Mordovia Arena, Tersa (26/06) 03:00 dader otl. Ekipa rua ne’e iha posibilidade atu hakat ba faze 16 iha Kopa Mundial 2018, ho nune’e kada ekipa presija pontu barak. Portugal iha pontu 4, Iran pontu tolu.

Antes ne’e: Iran no Portugal antes hasoru malu iha Kopa Mundial. Hasoru malu akontese iha tinan 2006, momentu ne’e Selecao das Quinas manan ho skor ikus 2-0. Ronaldo no Deco sai determinante iha jogu ne’e. Golu CR7 naton ne’e nudar golu primeiru iha Kopa Mundial.

Kopa Mundial 2006 nudar duel entre ekipa rua iha grupu ne’e. Portugal mos okupa ba faze 16 hafoin halakon ekipa Melli.

Video preparasaun Portugal kontra Iran 25 June: 

Tuir defendor Jose Fonte (Defeza) afirma katak “Klaru ami tenki halo diak liutan, ami sempre hakarak halo diak liu, ami iha abilidade ba ida ne’e. Ami serbisu makas tebes, ida nemak ami halao ona loron hirak ne’e. Ami 100% fokus ba jogu tuirmai kontra Iran..no ida nemak buat ne’ebe importante mai ami agora ne’e”.

NOTE: Portugal presija atu manan ka empata iha jogu ida ne’e hodi nafatin hela iha kompetisaun ne’e

Hallo.tl

HUSIK RESPOSTA