Prendimentu tanker Iran : “Preokupasaun aumenta” ba membru roo ne’ebe ho bandeira Inggris

Iha "Preokupasaun ne'ebe aumenta" ba membru husi tanker ne'ebe bandeira Inggris konfiska husi Iran nia Golfu, hatete husi nia nain.

0
122
Membru roo ne'ebe ho bandeira Inggris mak Indianu, Russus, Letoens no Filipinu.

Stena Bulk no Manajemen Marina Nordeste hatete membrus nain 23 sulan hela iha roo, ne’ebe ankora iha Iranianu nia portu Bandar Abbas nia sorin.

Prendimentu roo iha tensaun ne’ebe sa’e entre Iran no Reinu Unidu.

Tehran hatete Stena Impero “viola regulamentu maritima internasional” iha tempu ne’eba , maibe Reinu Unidu mensiona insidente ne’e hanesan ezemplu “pirataria estatal”.

Erik Hanell, Prezidente no xefe ezekutiva Stena Bulk, obriga governu Inggris no Iran atu “buka solusaun lalais hodi marineiru na’in 23 ne’ebe iha valor bele fila fali ba sira nia familia no muda husi provasaun ne’e”

“Ami afirma katak laiha evidensia soke malu ne’ebe involve Stena Impero, no bainhira tempu prende roo ne’e iha eskema trafiku separasaun tama no teritorial be’e Iran,” nia hatete.

“Ekipamentu navigasaun hotu ne’ebe presia, inklui transponde, funsiona tuir regulamentu maritima.”

Tehran hatete eskoltu revolusionariu detensa Stena Impero iha loron 19 fulan jullu iha rota navigasaun prinsipal iha estreitu Hormuz hafoin nia soke malu ho roo peskador. Semana kotuk Stena Bulk hatete katak membru – ne’ebe Indianu, Russus, letoens no Filipinu – salva ona hafoin koalia ho sira ba dahuluk.

Ida ne’e akontese hafoin forsa Inggris ajuda autoridade iha Gibraltar hada’u tanker Iran Grace 1 iha inisiu fulan ne’e tamba sira fiar katak tanker ne’e lori mina ba refinaria Siria tamba viola sansaun Uniaun Europea.

Kapitaun tanker ne’e hatete ba BBC katak Royal Marines uza “forsa brutal” hodi detensa nia roo, maibe Ministeriu Defeza hatete prendimentu ne’e kompleta “regulamentu no norma internasional”.

Prendimentu tanker ne’e kauza krizi diplomatika entre Inggris no Iran, ne’ebe sa’e durante semana ha’at ikus .

Governu Inggris husu ona ba Iran atu husik tiha Stena Impero no nia membru, maibe parte rua hase’es tiha roo rua ne’ebe atu troka ne’ebe prende tiha ona.

Relasaun entre Iran no Estadus Unidus Amerika mos ladi’ak ona, hafoin White House haforsa sira nia sansaun ba Tehran hafoin nia dada husi promisu Nuklir 2015.

Fontes : BBC News 

Tr. : Hallo.tl

 

HUSIK RESPOSTA