Profile KAPRES Angela Freitas

Kandidatu Prezidente Repúblika (PR) numeru sorteu (6),  Maria Angela Freitas da Silva, moris iha iha Bahu, Munisipiu Baucau, iha  loron 10 Novembro tinan  1969, oan

0
306

Kandidatu Prezidente Repúblika (PR) numeru sorteu (6),  Maria Angela Freitas da Silva, moris iha iha Bahu, Munisipiu Baucau, iha  loron 10 Novembro tinan  1969, oan husi Paulo Freitas da Silva (matebian) no inan Zizina  Maria Tchon, Angela Freitas oan ba dala 5 husi maun alin nain 9.

Angela Freitas hahu eskola Ensino Pre-Primaria iha  Postu Administrativu Ossu, Munisipiu Viqueque husi tinan 1974-1975, eskola Primaria VII Balide-Dili husi tinan 1976-1982, Pre- Secundaria Liceu Dili 1982-1985. Secundaria SMA 1 Dili,1985-1988.

Kandidatu Angela Freitas kontinua ninia estudu iha Universidade ATMA JAYA Jakarta-Indonesia husi tinan 1988-1991 Fakuldade Medicina nudar graduada, nune’e mos hala’o estudu iha  Universidade Gajah Mada Yogyakarta Faculdade Petrolio graduada, tantu nudar mos graduada iha fakuldade politika iha  Australia 1992-1995  universidade Griffith, Graduada mos iha Medical Practitioner Australia 1992-1997 universidade Griffith, Graduate as Faculty of Law Australia 1993-1996 Griffith University.

Angela Freitas  involve an iha partidu TRABALHISTA iha tinan 2000, iha tinan 2000-2005 nudar vice prezidente partidu TRABALHISTA, iha tinan 2006 elita nudar Prezidente TRABALHISTA.

Iha dadalia ho JN-Diario foin lalais ne’e, kandidatu Angela Freitas haktuir katak,  wainhira atu kandidata an sai prezidente liu husi prosesu naruk tebes, maibe konsege kompleta rekerementu hodi bele sai kandidatu ba Prezidente Repúblika periodu 2017-2022. “Ha’u hakarak haree povu ne’e suriju, kuandu suriju ha’u senti ha’u nia laran  ne’e hakmatek, wainhira povu ne’e senti kontente, ida ne’e mak ha’u nunka haluha iha ha’u ninia kakutak.

Figura ne’ebe mak durante ne’e sai inspirador ba Angela Freitas partisipa iha vida politika mak ninia inan ho aman, no Dom Carlio Filipe Ximenes Belo, hodi fo sira ninia apoiu moral. “Figura  ne’ebé fo inspirasaun ba ha’u,  Amu Bispu Belo, ema  ne’ebé mak durante  ne’e ha’u louva tebes, inspira ha’u iha ha’u nia vida politik tomak. Ami la’o hamutuk, servisu  hamutuk klanestinamente, ne’ebé ha’u nunka haluha. Ha’u sempre  hetan inspirasaun liu-liu ha’u nia aman matebian ne’ebé nia sai hanesan kolega ida, la’os aman de’it, maibe suporta iha ha’u nia vida politika tomak, e mós mãe, mãe inan ne’ebé mak ho pasensia iha pontu dezafiu ne’ebé mak barak, maibe nia ho ninia sofrementu ne’ebé  iha, nia la’os hatudu mosta kedas  iha ha’u nia oin, maibe kontinua nafatin apoiu hanesan inan ida atu bele dudu nafatin ha’u para kontinua  nafatin hala’o ha’u nia atividade politika, ida ne’e mak  importante. Napoleao Xavier

HUSIK RESPOSTA