REDE TELEMOR NIAN ATUALIZA BA KONEKSAUN IDA NE’EBÉ DI’AK LIU IHA TEMPU NATÁL NIAN

0
299

REDE TELEMOR NIAN ATUALIZA BA KONEKSAUN IDA NE’EBÉ DI’AK LIU IHA TEMPU NATÁL NIAN

Ema sira iha area rurál sira iha Timor Leste sei iha servisu telemovel nian ne’ebé di’ak liu tanba Telemor sei hala’o manutensaun ba rede iha area rurál sira ba tempu selebrasaun natál oin mai

Ba razaun ida-ne’e, Telemor sei fornese investimentu adisionál kona-bá sosa no instala ekipamentu antena Telekom iha area ne’ebé populasaun barak iha distritu sira. Aliende ne’e, kompañia mós sei fó sai ninia planu atu otimiza rede atuál hodi permite estabilidade koneksaun nian no halo ne’e posivel ba rede atu serve volume kliente ne’ebé boot durante tempu selebrasaun.

Untitled

Husi loron 1 Novembru 2018, pesoál tékniku sira Telemor nian husi distritu 13/13 hahú haree antena telekom nian atu haree no hadi’a problema ruma ne’ebé bele potensialmente hamosu interupsaun ho rede. 

“Ami komprende katak natál nu’udar tempu ida ba família sira. Durante Dezembru, ami-nia kliente sira barak mak sei halo viajen husi Dili ba sira-nia moris fatin atu selebra okaziaun espesiál tinan nian ida-ne’e. Tanba ne’e, Telemor implementa hela manutensaun no atualiza atu asegura estabilidade rede nian ne’ebé di’ak liu no kapasidade atu serve ema barak liu durante natál. Atividade otimizasaun tomak ne’e sei kompleta molok inísiu fulan Dezembru” – Tenik Tony Nguyen, Xefe ofisiais tenkolójia Telemor nian.

Depoizde tinan 6 halo operasaun iha Timor-Leste, Telemor agora sai hanesan operadór ne’ebé iha kobertura boot liu ba telemovel sinál telemovel no rede 4G nian iha Timor-Leste. Operadór husi Vietnam ne’e afirma katak sinál telemovel nian kobre ona to’o %98 husi populasaun Timor-Leste nian. Maske rede ne’e simu reklamasaun husi kliente sira relasiona ho kualidade rede nian tanba baze ba ninia kliente sai boot ho lais no boot liu kapasidade rede nian iha area balun. Nu’udar resposta ba situasaun ida-ne’e, Telemor planea ona atu investe barak liu iha atualizasaun no otimizasaun rede nian hodi bele fó satisfasaun ba pedidu sira no mós konfiansa sira husi kliente sira ba tinan barak.

Tuir Direitór Jerál Telemor nian, Sr. Brian Tran: “La’o hamutuk ho harii “Komunidade Dijitál” iha Timor-Leste, hametin rede nu’udar mós ami-nia ajenda boot ba tinan 2019. Nu’udar ami-nia slogan, “Hetan Diak Liu” ami sempre koko buat ne’ebé di’ak liu atu hadi’a ami-nia rede no servisu atu lori moris di’ak liu ba  timor oan sira iha Timor-Leste”./.

TELEMOR

HUSIK RESPOSTA