RI-TL Koalia Kooperasaun Ekonomia Iha Liña Fronteira

0
313
Ministru Retno Marsudi hasoru malu ho Ministru Dionisio da Costa Babo Soares, iha ambitu Bali Democracy Forum ba dala-12 iha Nusa Dua Bali, Indonezia, kinta (05/12/2019).
                             
  Ministra Negosiu Estranjeiru Republika Indonezia, Retno Marsudi ho Ministru Negosiu Estranjeiru Timor-Leste, Dionisio da Costa Babo Soares, koalia kooperasaun bilateral entre nasaun rua, inklui negosiasaun fronteira ho kooperasaun ekonomia iha liña fronteira terrreste.
     Liuhosi soru-mutu entre parte rua iha loron da-uluk serimonia Bali Democracy Forum (BDF) ba dala-12 iha Nusa Dua, Bali, Indonezia, kinta (05/12/2019), Ministra Retno Marsudi hato’o nia apresiasaun ba konsistensia Timor-Leste nian hodi partisipa iha Bali Democracy Forum, tinan ne’e, no nia rekoñese katak, maske Indonezia ho Timor-Leste hanesan nasaun demokrasia ne’ebe foin-sa’e, maibe nasaun rua ne’e bele fahe esperiensia barak ho mundu internasional.
   Liuhosi publikasaun pajina ofisial Kementrian Luar Negeri Republik Indonesia nian, ne’ebe Ajensia TATOLI asesu, relata katak, iha enkontru bilateral ne’e parte rua konkorda atu halo’o esforsu ba oin, oinsa haki’it kondisaun moris populasaun rai rua nian ne’ebe hela besik malu iha liña fronteira terrestre, inklui buka estabelese kooperasaun atu fasilita formasaun ba agrikultura sira.
                                                                                                                                                                                       
Fontes: Tatoli.tl

HUSIK RESPOSTA