Simón Haksolok Sai Treinador Ba Lalenok FC

0
508
Eis treinador klube Primeira Divizaun Liga Futebol (LFA), Assalam FC no Karketu Dili FC, Simón Elissetce.
                                                                                 
Eis treinador klube Primeira Divizaun Liga Futebol Amadora (LFA), Assalam FC no Karketu Dili FC, Simón Elissetce daudaun ne’e hetan ona kontaktu husi Lalenok United FC atu sai hanesan treinador prinsipal ba ekipa refere iha Liga époka dalimak. Tanba ne’e, treinador nasionalidade Chile ne’e sente kontente tanba bele hetan kontaktu husi Prezidente Lalenok United FC, Pedro Belo atu sai hanesan treinador.
Hau kontente loos. Kontente sai treinador ba jogador Timor-Leste. Lalenok nu’udar klube ida ne’ebe maka’as iha tinan kotuk. Entaun, hau nia prezensa hakarak tahan nafatin Lalenok sai ekipa ne’ebe forte hanesan tinan kotuk, Simón ba Agênsia Tatoli via email, kuarta ne’e.
Nia fo agradese bo’ot ba Prezidente Lalenok tanba fo ona konfiansa ba nia. “Agradese loos ba Prezidente klube tanba bele fo fiar ona mai hau. Buat hotu segunda hau to’o Dili maka koalia diak liutan,” nia dehan. Prezensa Simón hodi troka treinador sesante Yance Matmei tanba treinador nasionalidade Indonezia ne’e sei ba kontinua nia estudu hodi lisensa treinador kategoria nivel aas nian iha Asian Football Confederation (AFC).
Enkuantu, iha Yance nia lideransa konsege lori Lalenok iha 2016 promovidu ba Segunda Divizaun no iha 2018 nafatin lori ekipa Lalenok promovidu ba Primeira Divizaun no iha 2019 nia nafatin lori Lalenok kampiaun tasa tolu iha époka ida. Fó hanoin fali, iha époka 2017, Simón kaer Karketu Dili FC konsege lori klube capital Dili ne’e, sai kampiaun LFA.
Fontes: Tatoli.tl
 
 

HUSIK RESPOSTA