SLB Dere Ponta Leste 4-0

0
107
Ekipa SLB selebra vitoria hafoin halakon Ponta Leste.
                           
Klube estimadu SLB U-16 halakon AS Ponta Leste ho golu 4-0 iha jogu kontinuasaun Liga Juvenil ne’ebe hala’o iha kampu Federasaun Futebol Timor Leste (FFTL), Bairru Formosa, Dili, domingu ne’e. Golu SLB produs husi jogador JEnivio Mota iha minutu 13,65, Wilian Vong 31 no João Sequeira 47.
Husi vitoria ne’ebe klube koñesidu ho Makikit Laulara ne’e hetan lori kedas ekipa refere okupa pozisaun segundu iha tabela klasifikasaun provizoriu ho pontu 7. Enkuantu, primeiru lugar okupa husi Assalam FC ho pontu 9. Terseiru lugar Karketu Dili FC ho pontu 6. Kuartu lugar Ponta Leste ho pontu 3. Kintu lugar Aitana FC ho pontu 3. Sestu lugar Academica FC ho pontu 3. Setimu lugar Lalenok United FC ho pontu 3. Ekipa haat ne’e pontu hanesan maibe diferente iha golu. Oitavu lugar Fitun Estudante Lorosa’e (FIEL) ho pontu 0.
Jogu refere dirije husi arbitru Francisco Pereira, juiz liña Paulo da Costa, Horacio dos Santos no arbitru rezerva, Inacio dos Santos. Liga Juvenil ne’e realiza tanba apoiu finanseiru husi Asian Football Confederation (AFC) no organiza husi Liga Futebol Amadora (LFA) no FFTL.
Fontes: Tatoli.tl
 

HUSIK RESPOSTA