SLB Kontinua Hala’o Treinamentu Hodi Prepara Ba Époka Dalimak

0
155
Jogador ekipa AD SLB (faru kor mean no mutin) hadauk bola.
                                                   
Asistente treinador Klube Zigante Makikit Laulara alias AD. SLB, José Carlos da Fonseca, informa daudaun ne’e sira hahu ona treinamentu hodi prepara ba époka 2020 ne’ebe sei realiza abril mai ne’e. “AD. SLB hahu daudaun ona treinu rekoperasaun ba époka ida agora,” dehan Fonseca ba Agênsia TATOLI via manseger, sesta ne’e.
Nia mos hanesan assistente treinador iha klube zigante ne’e maibe to’o ohin loron iha époka dalimak ne’ebe besik ona, nia rasik seidauk hatene loloos sei hamutuk ho se. Hau mos seidauk hatene loloos sei nafatin iha SLB ka lae, maibe iha posibilidade boot sei nafatin maski sei hein mos xamada husi jerente klube atu hatene loloos kona-ba situasaun ne’e, nia dehan.
Enkuantu, maioria kondisaun jogador diak hotu, nune’e SLB preparadu no prontu hatudu dezempeñu diak iha 2020 no hadia hikas dezempeñu ne’ebe tun maka’as iha époka 2019 liuba. Alende ne’e, SLB hanesan klube ida-ne’ebe sai kampiaun dahuluk iha liga dahuluk Timor-Leste nian iha 2015.
 
Fontes: Tatoli.tl

HUSIK RESPOSTA