Sosiedade Sivil Apela Kriminaliza Atividade Arte-marsiais

DILI—Adjuntu Diretór Fundasaun Mahein (FM), João Almeida, hatete, rejolusaun ne’ebé maka governu hasai la kriminaliza ativdade arte-marsiais maka konfrontu kontinua mosu iha fatin-fatin tanba atividade treinu subar la’o hela no rai ódiu ba malu. Governu nia rejolusaun

0
632

DILI—Adjuntu Diretór Fundasaun Mahein (FM), João Almeida, hatete, rejolusaun ne’ebé maka governu hasai la kriminaliza ativdade arte-marsiais maka konfrontu kontinua mosu iha fatin-fatin tanba atividade treinu subar la’o hela no rai ódiu ba malu.

Governu nia rejolusaun taka arte-marsiais  tolu PSHT, Kera Sakti ho KORK, mais konfrontu ne’ebé maka liga ho arte-marsiais  kontinua akontese iha rai laran tanba rejulusaun ne’e la kriminaliza atividade Arte-marsiais  nian.

João ba Jornalista iha Fomentu, Kuarta (09/11), relasiona ho konfrontu entre arte-marsiais kontinua mosu iha fatin-fatin, no iha loron hirak liu ba akontese iha Hera, Munisípiu Dili.

Akontesimentu ne’e rejulta uma lima hetan sunu no motorizada tolu nomos vítima na’in tolu hetan kanek.

Komandante Operasaun PNTL, Superintendenti Xefe Henrique da Costa hatete, polísia kaptura ona autor na’in 8 ne’ebé  deskonfia envolve iha asaun ne’e no prosesa ba tribunál.

Henrique hatete, konfrontu ne’e deskonfia envolve hosi Grupu Arte Marsiais (GAM) hosi Persaudaran Setia Hati Terate (PSHT) ho Ikatan Kera Sakti Timor Leste (IKS-TL).

Ho akontesimentu hirak ne’e Adjuntu Diretór Fundasaun Mahein (FM), João Almeida klarifika, durante ne’e atividade Arte-marsiais  kontinua la’o tanba autoridade seguransa sira kaptura membru Arte-marsiais  balun to’o Tribunal liberta tanba rejulusaun ne’e la kriminaliza ema ne’ebé maka treinu ne’e la halo krimi.

“Ita hare tinan rua ka tolu akontese ita nia maluk balun ba sae sabuk iha fronteira fila ita nia autoridade sira kaptura mais ikus mai livre nune’e mós grupu Arte-marsiais  balun mós halao treinu subar autoridade polisial kaptura

HUSIK RESPOSTA